Innlent

Tvö innan­lands­smit og eitt virkt á landa­mærunum

Sylvía Hall skrifar
_VIL4260
Vísir/Vilhelm

Tvö kórónuveirusmit greindust á sýkla- og veirufræðideild Landspítalans í gær og eitt á landamærunum. Þrjú sem skimuð voru á landamærunum bíða eftir niðurstöðum úr mótefnamælingu.

Annar þeirra sem greindist hér innanlands var í sóttkví við greiningu.

Þetta kemur fram í nýjustu tölum á covid.is en alls eru nú 117 í einangrun. Fólki í einangrun fækkar því um fimm milli daga og fækkar fólki í sóttkví sömuleiðis.

Einn liggur á sjúkrahúsi vegna Covid-19.

Flestir eru í einangrun á höfuðborgarsvæðinu eða alls 73 einstaklingar. Eini landshlutinn þar sem enginn er í einangrun er Norðurland vestra. 

419 sýni voru tekin á sýkla- og veirufræðideild Landspítalans í gær og 2.075 við landamæraskimun. 

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur fór úr 17,2 í 16,9. Þá fór nýgengi landamærasmita úr 12,3 í 12,5.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.