Innlent

Bláfjöll biðjast innilegrar afsökunar

Kolbeinn Tumi Daðason skrifar
Svona var staðan í Bláfjöllum á fimmta tímanum í dag.
Svona var staðan í Bláfjöllum á fimmta tímanum í dag.

Lokað verður í Bláfjöllum í dag þótt þar sé nóg af snjó og vindur með minnsta móti. Ástæðan mun vera skjót breyting á veðurspá ef marka má upplýsingar af heimasíðu skíðasvæðanna.

„Spáin fór illa með okkur og er þetta ömurlegt að við náum ekki að opna í dag. Biðjum innilegrar afsökunar á að þetta hafi gerst,“ segir á vefsíðu Bláfjalla.

Á Facebook-síðu Bláfjalla veltir skíðaáhugafólk fyrir sér hvort ekki sé hægt að opna síðdegis og í kvöld í ljós þess hve gott veðrið sé og verði í kvöld, samkvæmt spám.

„Þetta er ekki alveg svona einfalt, því miður. En við vinnum eftir veðurspám, stundum breytast þær lítið eða mikið. Í dag breyttist spáin einfaldlega of seint. Mjög slæmt veður var í nótt og lítið sem ekkert hægt að vinna út á troðurum.“

Gönguspor hafa þó verði lögð svo skíðagöngufólk getur skellt sér á skíði.

Vonir standa til að hægt sé að hafa opið í brekkunum í Bláfjöllum og Skálafelli um helgina. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.