Erlent

Upp­reisnar­foringi verður vara­for­seti Suður-Súdan

Atli Ísleifsson skrifar
Salva Kiir forseti og Riek Machar, leiðtogi uppreisnarmanna í Suður-Súdan.
Salva Kiir forseti og Riek Machar, leiðtogi uppreisnarmanna í Suður-Súdan. AP

Vonir standa til að stríðsátökin í Suður-Súdan séu á enda eftir að samkomulag náðist milli stjórnvalda og uppreisnarmanna.

Samkvæmt samkomulaginu verður Riek Machar, fyrrverandi leiðtogi uppreisnarmanna, nýr varaforseti landsins, en Salva Kiir mun áfram gegna forsetaembættinu.

Kiir og Machar funduðu á fimmtudaginn þar sem þeir komu sér saman um myndun þjóðstjórnar. Er því ætlað að binda enda á borgarastríðinu sem geisað hefur í landinu í sex ár.

Alls hafa um 400 þúsund manns látið lífið í stríðinu sem hefur orðið til þess að gríðarlegur fjöldi fólks hefur þurft að leggjast á flótta.

Samkomulaginu hefur verið tekið með nokkrum fyrirvara, enda hafa fyrri samningar stjórnvalda og uppreisnarmanna orðið að engu.


Tengdar fréttir

Suður-Súdan: Rúmlega helmingur þjóðarinnar við hungurmörk

Þrjár stofnanir Sameinuðu þjóðanna vekja athygli á alvarlegum matarskorti í Suður-Súdan og segja í yfirlýsingu að rúmlega helmingur þjóðarinnar, ríflega 6,5 milljónir manna, eigi á hættu að draga fram lífið við hungurmörk á vormánuðum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.