Erlent

Vara við lífshættulegum flóðum í Bretlandi

Samúel Karl Ólason skrifar
Shrewsbury stendur við ána Severn.
Shrewsbury stendur við ána Severn. Getty/Jacob King

Umhverfisstofnun Bretlands hefur gefið út flóðaviðvaranir víða um landið en gífurlega mikil rigning hefur verið í Bretlandi í mánuðinum. Sérstaklega er búið að vara íbúa Ironbridge og Shrewsbury við því að flóð þar muni verða lífshættuleg en búist er við því að ár muni flæða yfir bakka sína á næstu dögum.

Allt í allt er búið að lýsa yfir viðbúnaðarstigi á hundrað stöðum í Bretlandi þar sem búist er við flóðum og á um tvö hundrað stöðum þar sem flóð eru talin möguleg. 

Rigning í Englandi hefur verið rúmlega tvöfallt meiri en meðalrigning í febrúar og enn er tæp vika eftir af mánuðinum. Þá er vitað til þess að mánaðarrigning hefur sumsstaðar mælst á einungis sólarhring.

Hluti Shrewsbury er þegar undir vatni vegna fyrri flóða en samkvæmt frétt BBC er óttast að vatnshæðin þar muni ná hæðum sem hún hafi aldri náð áður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.