Viðskipti innlent

Könnun Sam­taka iðnaðarins: 88 prósent svar­enda ætla að grípa til hag­ræðinga á árinu

Atli Ísleifsson skrifar
Svör benda til að launakostnaður væri sú áskorun sem flestir stjórnendanna sögðu vera mjög mikla um þessar mundir.
Svör benda til að launakostnaður væri sú áskorun sem flestir stjórnendanna sögðu vera mjög mikla um þessar mundir. Getty

88 prósent svarenda í könnun Samtaka iðnaðarins meðal stjórnenda íslenskra framleiðslufyrirtækja segja mjög líklegt eða frekar líklegt að þeirra fyrirtæki grípi til hagræðingaraðgerða á þessu ári.

Í tilkynningu frá samtökunum kemur fram að könnunin bendi til að árið 202 verði ár hagræðinga þar sem fyrirtækin í greininni bregðast við áskorunum og krefjandi starfsumhverfi.

Outcome framkvæmdi könnunina fyrir SI, en athygli vekur að svarhlutfall er lágt, rúm 23 prósent. Í úrtaki voru stjórnendur 321 fyrirtækis í framleiðsluiðnaði og svöruðu 75.

„Niðurstöðurnar benda til þess að framhald verði á þeirri þróun sem þegar er hafin en launþegum í framleiðsluiðnaði hefur fækkað undanfarið. Fækkunin var komin í 4% í október í fyrra. Þetta gæti haft umtalsverð áhrif en í framleiðsluiðnaði starfa rétt tæplega 18 þúsund aðilar sem er um 9% af heildarfjölda starfandi hér á landi. En benda má á að verðmætasköpun fyrirtækja í greininni er einnig umtalsverð eða um 8% af heildarverðmætasköpun hagkerfisins,“ segir í tilkynningunni.

Launakostnaður mikil áskorun

Stjórnendur framleiðslufyrirtækjanna voru beðnir um að meta helstu áskoranir í þeirra rekstri þar sem spurt var um launakostnað, aðgengi að mannauði, sveiflur í efnahagsmálum og starfsumhverfi, skatta og opinber gjöld, aðgengi að lánsfjármagni og vöxtum, opinbert eftirlit og löggjöf og aukna áherslu á umhverfis- og loftslagsmál.

Sýndu svör að launakostnaður væri sú áskorun sem flestir stjórnendanna sögðu vera mjög mikla um þessar mundir.

Tengd skjöl




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
LEQ
0,59
1
1.288

Mesta lækkun dagsins


Félag
Br.%
Fjöldi
Velta*
ICEAIR
-6,56
15
6.123
REGINN
-3,59
20
47.585
EIK
-3,31
8
62.252
VIS
-3,22
7
89.006
SJOVA
-2,66
11
32.075
Velkomin á Vísi. Þessi vefur notar vafrakökur. Sjá nánar.