Lífið

Innlit í leikherbergið á heimili Kim og Kanye

Sylvía Rut Sigfúsdóttir skrifar
Umfjöllun Architectural Digest vakti mikla athygli.
Umfjöllun Architectural Digest vakti mikla athygli. Instagram-Getty/Emma McIntyre

Aðdáendur Kim Kardashian West hafa verið með einhverjar áhyggjur yfir því að það væri ekkert um leikföng eða litrík leiksvæði fyrir börnin á heimili hennar og Kanye West. Kim ákvað því að sýna Instagram fylgjendum sínum leikherbergi barnanna til að enda þá umræðu sem hófst eftir að Architectural Digest birti myndir af húsinu. Leikherbergi North, Saint, Chicago og Psalm er þó allt annað en minimalískt.



Fólk getur sleppt því að hafa áhyggjur af leikfangaskorti, því barnaherbergið er eins og leikfangaverslun og magnið af leikföngum, hljóðfærum, búningum og föndurefni væri nóg fyrir heilan leikskóla. Í herberginu er meðal annars lítil verslun og tónleikasvið. Skjávarpi breytir einum veggnum svo í bíótjald þegar börnin vilja horfa á mynd í leikherberginu sínu.

Mikið er um ljósa liti á heimili Kim og Kanye.Instagram/Architectural Digest

Í nýjasta tölublaði Architectural Digest var fjallað ítarlega um heimili Kim og Kanye í Los Angeles og á forsíðu blaðsins er sagt að húsið sé „minimalískt meistaraverk“ en þau velja mikið af ljósum litatónum og lítið er um litla skrautmuni.  Arkitektinn Axel Vervoordt hannaði með þeim húsið þegar það var tekið í gegn.



Umfjöllun tímaritsins um heimili West fjölskyldunnar vakti mikla athygli enda er húsið kannski óvenjulegt í samanburði við önnur heimili foreldra með fjögur börn. Kanye segir þó að ef börnin liti á ljósu dýru hönnunarsófana og borðin þá séu þau bara enn flottari listaverk. Í einu herbergi er ekkert nema eitt verk eftir Isabel Rower, í viðtalinu segir Kanye að þetta sé bæði sýning á listaverki og leikrými.



 
 
 
View this post on Instagram

A post shared by Architectural Digest (@archdigest) on Feb 3, 2020 at 2:12pm PST



Á myndunum hér fyrir neðan má sjá smá innsýn í leikherbergið á heimili Kim og Kanye. Áhugasamir geta líka fengið innlit með því að horfa á Instastory Kim frá því í nótt.

Í leikherbergi barnanna er svið með hljóðfærum og hljóðnemum svo þau geti haldið þar tónleika.Myndir/Instagram
Skjávarpi breytir einum veggnum í bíótjald.Myndir/Instagram
Kim segist litaflokka kubba, bíla og liti barnanna.Myndir/Instagram
Kim segir að börnin sinni heimanáminu í leikherberginuMyndir/Instagram
Hlðarherbergið er skipulagt með glærum merktum kössumMyndir/Instagram
Viðskiptavinir þurfa að kvitta á posann þegar þeir versla í búðinni hennar North.Myndir/Instagram
Kim segir að hún litaflokki bíla, kubba og liti barnanna.Myndir/Instagram

Tengdar fréttir

Kim og Kanye spyrja hvort annað spjörunum úr

Stjörnurnar taka oft tíðum þátt í skemmtilegum liðum á YouTube-síðu Architectural Digest og einu af nýjasta myndbandi síðunnar má sjá hjónin Kim Kardashian West og Kanye West spyrja hvort annað skemmtilegra spurning.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.