Liverpool sex sigrum frá því að fá heiðursvörð frá leikmönnum Man. City á Ethiad

Liverpool jók forskot sitt á toppi ensku úrvalsdeildarinnar um þrjú stig um helgina og hefur nú 22 stiga forystu á Manchester City í öðru sætinu.

Manchester City getur nú mest náð 90 stigum á þessari leiktíð því liðið á bara eftir þrettán leiki. Það eru því 39 stig eftir í pottinum og City menn eru með 51 stig.

Það þýðir jafnframt að sex sigrar í viðbót (úr síðustu þrettán leikjunum) nægja Liverpool liðinu til að tryggja sér enska meistaratitilinn í fyrsta sinn í þrjá áratugi.

Six more wins and Liverpool will win the Premier League title. They need 91 points to lift the trophy and they could win it by beating Crystal Palace at home on March 21. Or maybe even earlier if Man City or Leicester City drop any more points. Simply remarkable. #LFCpic.twitter.com/0dcg1ZlsuT

— Joe Prince-Wright (@JPW_NBCSports) February 2, 2020

Sjötti leikur Liverpool liðsins frá deginum í dag er heimaleikur á móti Crystal Palace 21. mars næstkomandi.

Liverpool getur þar orðið fyrsta liðið til að vinna ensku úrvalsdeildina í marsmánuði en til að svo verði þarf liðið að vinna næstu fimm leiki á móti Norwich (20. sæti), West Ham (18. sæti), Watford (19. sæti), Bournemouth (16. sæti) og Everton (9. sæti).

Eins og sjá má á sætum liðanna sem bíða Liverpool í næstu leikjum þá eru fjórir næstu mótherjar liðsins allir í fimm neðstu sætum deildarinnar.

Norwich (A)

West Ham (H)

Watford (A)

Bournemouth (H)

Everton (A)

Crystal Palace (H)

If Liverpool win their next six games they will be champions and Manchester City will have to give them a guard of honour at the Etihad

— Anything Liverpool (@AnythingLFC_) February 2, 2020

Það sem er kannski enn fróðlegra að eftir þessi úrslit í gær gæti Liverpool liðið verið búið að tryggja sér titilinn fyrir seinni leikinn á móti Manchester City en sá leikur fer fram 4. apríl.

Leikmenn Manchester City þyrftu þá að standa heiðursvörð fyrir Liverpoo liðið þegar það gengi inn á Ethiad-völlinn eftir 61 dag.

Það yrði ótrúleg þróun að leikur sem átti að verða úrslitaleikur ensku úrvalsdeildarinnar á leiktíðinni verði á endanum leikur sem skipti engu máli.

Næstu sjö leikir Liverpool í ensku úrvalsdeildinni:

15. febrúar - Norwich (úti) [1]

24. febrúar - West Ham (heima)     [2]

29. febrúar - Watford (úti) [3]

7. mars - Bournemouth  (heima) [4]

16. mars - Everton (úti) [5]

21. mars - Crystal Palace (heima) [6]    

4. apríl - Manchester City (úti) [7]