Gylfi klár í slaginn um helgina sem og skotmark Barcelona

Gylfi Þór Sigurðsson verður aftur í leikmannahópi Everton um helgina en hann er búinn að jafna sig af meiðslum.

Meiðsli í nára hafa haldið Gylfa frá síðustu tveimur leikjum Everton en staðfest var í dag að Gylfi væri orðinn klár í slaginn.

Everton mætir Watford á útivelli og endurheimtir ekki bara Íslendinginn heldur einnig þá Richarlison og Alex Iwobi.

| @Richarlison97, Gylfi Sigurdsson and @alexiwobi are all  and available for Saturday! #WATEVE

— Everton (@Everton) January 30, 2020

Barcelona bauð stóra fjárhæð í Richarlison í vikunni en Everton neitaði tilboðinu. Það er sagt hafa hljóðað upp á 100 milljónir evra.

Everton hefur ekki staðið undir væntingum á tímabilinu. Liðið er í 12. sæti deildarinnar með 30 stig en Watford er í nítjánda með 23 stig.