Viðskipti innlent

Tekur við starfi fram­kvæmda­stjóra FVH

Atli Ísleifsson skrifar
Telma Eir Aðalsteinsdóttir.
Telma Eir Aðalsteinsdóttir. FVH

Telma Eir Aðalsteinsdóttir hefur verið ráðin framkvæmdastjóri Félags viðskipta- og hagfræðinga (FVH).



Í tilkynningu frá félaginu segir að Telma hafi víðtæka reynslu af markaðsmálum, verkefna- og vörustjórnun.



„Hún starfaði síðast hjá VÍS sem vörustjóri en þar áður sem vörustjóri hjá Póstinum og verkefnastjóri hjá Já. Telma stundar MBA-nám við Háskóla Íslands og er með BA-próf frá Háskólanum á Bifröst í heimspeki, hagfræði og stjórnmálafræði.



Eiginmaður Telmu er Eyþór Mar Halldórsson og eiga þau einn son.



FVH er fagfélag háskólamenntaðs fólks í viðskipta- og hagfræði. Félagið styður við sérfræðinga á þessu sviði með reglulegum fræðslufundum með áherslu á málefni líðandi stundar, endurmenntun og eflingu tengslanets. FVH stendur einnig fyrir kjarakönnun meðal viðskipta- og hagfræðinga ásamt því að gefa út tímaritið Hag,“ segir í tilkynningunni.

Tengd skjöl




Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.