Erlent

Kínverjar lýsa yfir stríði gegn plasti

Samúel Karl Ólason skrifar
Umhverfisráðuneyti Kína tilkynnti í gær að plastpokar verði bannaðir í stærstu borgum Kína á þessu ári og í öllum borgum og bæjum árið 2022.
Umhverfisráðuneyti Kína tilkynnti í gær að plastpokar verði bannaðir í stærstu borgum Kína á þessu ári og í öllum borgum og bæjum árið 2022. EPA/FAZRY ISMAIL

Yfirvöld Kína ætla í umfangsmiklar aðgerðir gegn einnota plasti á næstu árum. Gífurlegt magn plasts er grafið í jörðu í Kína eða endar í ám landsins en Sameinuðu þjóðirnar segja plast eina stærstu ógnina gegn umhverfi jarðarinnar.

Umhverfisráðuneyti Kína tilkynnti í gær að plastpokar verði bannaðir í stærstu borgum Kína á þessu ári og í öllum borgum og bæjum árið 2022. Verslanir sem selja ferskar afurðir munu ekki þurfa að banna notkun plastpoka fyrr en 2025.

Plastáhöld eins og gaflar og prjónar verða einnig bönnuð í áföngum á næstu árum. Plaststrá verða bönnuð á veitingahúsum á þessu ári og stendur til að draga verulega úr notkun plasts í veitingageiranum á næstu árum.

Samkvæmt frétt Reuters hafa yfirvöld Kína einnig bannað allan innflutning plastrusls auk þess að grípa til annarra aðgerða.

Þá er verið að byggja fjölda endurvinnslustöðva í Kína og eru yfirvöld þar í landi í umfangsmiklu átaka til að draga úr sóun og mengun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.