Körfubolti

Leik Tindastóls og Þórs frestað en samt dregið á morgun

Óskar Ófeigur Jónsson skrifar
Helgi Rafn Viggósson og félagar í Tindastólsliðinu verða bara með æfingu í Síkinu í kvöld en leikurinn við Þór fer ekki fram fyrr en á morgun.
Helgi Rafn Viggósson og félagar í Tindastólsliðinu verða bara með æfingu í Síkinu í kvöld en leikurinn við Þór fer ekki fram fyrr en á morgun. vísir/bára

Átta liða úrslit Geysisbikars karla í körfubolta klárast ekki í kvöld eins og áætlað var.

Mótanefnd hefur frestað leik Tindastóls og Þórs Akureyrar í Geysisbikar karla sem leika átti í kvöld fyrir norðan á Sauðárkróki vegna ófærðar yfir Öxnadalsheiði en þar er vegurinn lokaður nú þegar og vonskuveður.

Þetta er gert að höfðu samráði við sérfræðinga Vegagerðarinnar og Veðurstofunnar sem og í samráði við bæði félögin.

Leikið verður annað kvöld þriðjudaginn 21. janúar og það verður því síðasti leikur átta liða úrslitanna.

Það verður samt dregið í undanúrslit bikarkeppninnar í hádeginu á morgun og verða því Tindastóll/Þór Akureyri saman í einni kúlu í skálinni góðu.




Fleiri fréttir

Sjá meira


×