Innlent

Kvöldfréttir Stöðvar 2

Hratt landris í Svartsengiseldstöðinni, milli Grindavíkur og Bláa lónsins, hélt áfram fram að nýjustu mælingum sem gerðar voru í morgun, en nýjar mælingar berast næst í fyrramálið. Fimm þúsund manns gætu verið innan hættusvæðis, fari svo að eldgos brjótist út. Ítarlega verður fjallað um málið í fréttum Stöðvar tvö klukkan hálf sjö. Verður þar meðal annars sýnt frá íbúafundi sem staðið hefur yfir frá því klukkan fjögur. Þá verður rætt við íbúa og forsvarsmenn fyrirtækja á svæðinu, staða mála útskýrð með grafískum hætti og rætt við Katrínu Jakobsdóttur, forsætisráðherra.

Í kvöldfréttum fjöllum við líka um stöðuna innan lögreglunnar á Íslandi í kjölfar Kompás-þáttar sem sýndur var á Vísi í dag. Að mati greiningardeildar ríkislögreglustjóra býr lögreglan ekki yfir nægilegum styrk og segir talsmaður lögreglunnar að talað hafi verið fyrir daufum eyrum átta ráðherra.

Þetta og margt fleira í fréttum Stöðvar 2 klukkan 18.30.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.