Pepsi Max- og Lengjudeildir karla og átta liða úrslitum Meistaradeildarinnar lýkur

Nóg verður um að vera á sportrásum Stöðvar 2 í dag. Fjórir fótboltaleikir verða sýndir beint og frá þremur golfmótum.

Átta liða úrslitum Meistaradeildar Evrópu lýkur með leik Manchester City og Lyon. Leikurinn hefst klukkan 19:00 og verður sýndur beint á Stöð 2 Sport 2. 

Kjartan Atli Kjartansson hitar vel upp fyrir leikinn ásamt sérfræðingum Stöðvar 2 Sports og leikurinn verður svo gerður upp í Meistaradeildarmörkunum.

Tveir leikir í Pepsi Max-deild karla verða sýndir beint en þeir hefjast báðir klukkan 16:00. Valur tekur á móti KA og Fylkir sækir ÍA heim. Leikur Aftureldingar og Vestra í Lengjudeild karla verður líka sýndur beint klukkan 13:45.

Þá verður sýnt frá þremur golfmótum: Celtic Classic (Evrópumótaröðin), Ladies Scottish Open (LET-mótaröðin) og Wyndham Championship (PGA-mótaröðin).

Alla dagskrá dagsins má sjá hér.