Enski boltinn

„Stuðnings­mönnunum fannst hann ekki frá­bær gegn Liver­pool og ég er sam­mála því“

Anton Ingi Leifsson skrifar
Eriksen fær skilaboð frá Mourinho.
Eriksen fær skilaboð frá Mourinho. vísir/getty

Jose Mourinho, stjóri Tottenham, segir að hann hafi skilið stuðningsmenn Tottenham að gagnrýna Christian Eriksen um helgina.

Eriksen var ekki upp á sitt besta er Tottenham tapaði 1-0 fyrir toppliði Liverpool og var púaður af velli.

Daninn hefur verið mikið orðaður burt frá Lundúnum en talið er líklegt að hann sé á leið til Inter Milan. Áhugi Danans á Tottenham sé eftir því.

„Ef þú spyrð mig út í ástæðurnar afhverju hann er ekki að spila vel þá er ég ekki heimskur. Ég hef verið í fótboltanum í mörg ár,“ sagði Portúgalinn.




„Ég veit vel að leikmaður sem er í þessari stöðu, og ég er ekki að gagnrýna leikmanninn, er ekki að ná fram sinni bestu frammistöðu.“

„Hann er að hjálpa okkur í þeim leikjum sem hann spilar. Hann hefur átt góðar frammistöður. Hann kom inn gegn Olympiakos og gaf okkur mikið sem og gegn Norwich.“

„Stuðningsmönnunum fannst hann ekki frábær gegn Liverpool og ég er sammála því,“ sagði Mourinho.

Tottenhan mætir Middlesbrough í kvöld. Leikurinn er endurtekinn leikur í enska bikarnum en flautað verður til leiks 20.05. Leikurinn er í beinni á Sportinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.