Enski boltinn

Sporting og Man. United enn ekki náð saman um Fernandes

Anton Ingi Leifsson skrifar
Bruno í leik með Sporting á leiktíðinni.
Bruno í leik með Sporting á leiktíðinni. vísir/getty

Portúgalska sjónvarpsstöðin, TVI 24, greinir frá því nú í morgun að Manchester United og Sporting hafi enn ekki náð saman um miðjumanninn Bruno Fernandes.

Bruno hefur verið mikið orðaður við United í glugganum en fyrr í vikunni var talið að samningur væri nánast í höfn og beðið var eftir að Bruno yrði kynntur.

Nú greinir sjónvarpsstöðin hins vegar frá því að samningarnir séu ekki í höfn. United vill borga 42 milljónir fyrir hann en Sporting vill fá þrettán milljónum punda meira.







Það eru því þrettán milljónir punda sem skilja samningatilboðin að en í samningi United segir að verðið gæti farið upp í 68 milljónir punda með bónusgreiðslum.

Portúgalska liðið vill hins vegar fá 55 milljónir punda í fyrstu greiðslu en talið er að Bruno hafi nú þegar skrifað undir samning við United.

Hann ku fá 130 þúsund pund á viku en United spilar við topplið Liverpool um helgina.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.