Rashford ekki með United á liðshótelinu

Mikil óvissa ríkir um þátttöku Marcus Rashford í leik Manchester United og Liverpool á Anfield á morgun.

Rashford meiddist í leik United og Wolves í ensku bikarkeppninni á miðvikudaginn.

Rashford var ekki meðal þeirra leikmanna United sem mættu á Lowry-hótelið í kvöld.

Ekki er þó loku skotið fyrir það að enski landsliðsmaðurinn verði með United á morgun en það kemur betur í ljós þegar nær dregur leik.

Rashford er markahæsti leikmaður United á tímabilinu með 19 mörk í öllum keppnum.