Tónskáldasjóður Bylgjunnar og Stöðvar 2 úthlutar 7.8 milljónum í styrkjum til listamanna

Sylvía Rut Sigfúsdóttir skrifar 14. ágúst 2020 13:42

42 listamenn hlutu styrk að þessu sinni. Mynd/Stöð 2 og Bylgjan

Tónskáldasjóður Bylgjunnar og Stöðvar 2 hefur í samvinnu við STEF úthlutað 7.800.000 kr. en alls hlutu 42 listamenn styrk að þessu sinni. Meðal þeirra sem hlutu hæstu styrkina voru Moses Hightower, Auður, Árstíðir, BSÍ, Elín Ey, Flóni, Helgi Sæmundur, Svala Björgvins, Ragnheiður Gröndal, Mr. Silla og Valdimar.

Að frumkvæði STEFs var stofnað til sjóðsins árið 2011 með það að markmiði að styrkja tónskáld og textahöfunda til nýsköpunar.

„Það hefur verið einstök gróska í íslenskri tónlist í langan tíma en á síðustu mánuðum í miðjum faraldri hefur verið stórkostlegt að fylgjast með hæfileikum og krafti íslensks tónlistarfólks,”

segir Þórhallur Gunnarsson framkvæmdastjóri fjölmiðla Sýnar og stjórnarmaður í Tónskáldasjóði Bylgjunnar og Stöðvar 2.

„Eitt af markmiðum miðla Stöðvar 2 og Vodafone er að efla þáttagerð í útvarpi og sjónvarpi þar sem íslensk tónlist er í öndvegi. Einn hluti þeirrar vegferðar var stofnun Íslensku Bylgjunnar í vor sem leikur eingöngu íslenska tónlist. Með stuðningi við íslenskt tónlistarfólk eflum við og auðgum íslenska menningu og fjölmiðlastarfsemi.” segir Þórhallur að lokum.

Eftirtaldir aðilar hlutu styrk úr sjóðnum í ár: