„Aldrei liðið jafn illa á ævinni“

Sylvía Rut Sigfúsdóttir skrifar 14. ágúst 2020 10:00

Rikki G var neyddur í sundbol og út á umferðareyju á Suðurlandsbrautinni í gær. Skjáskot

Rikki G þurfti í gær að skipta yfir í kvenmannssundbol í vinnuni í gær og skella sér út á Suðurlandsbrautina þar sem FM957 er staðsett. Egill Ploder samstarfsmaður hans í Brennslunni var með myndavélina á lofti og náði þessu öllu á myndband. Rikki þurfti að taka nokkur sundtök á umferðareyjunni sem vakti mikla athygli vegfaranda.

Ástæðan fyrir þessu uppátæki var mjög einföld, Rikki valdi kontór í dagskrárliðnum Sannleikann eða kontór? í stað þess að svara persónulegri spurningu um skilnað foreldra sinna. Rikka fannst að spurningin ætti að vera ógild, enda einkamál fjölskyldunnar og alls ekki hans að ræða í beinni útsendingu. Egill tók þó ekki í mál að leyfa honum að sleppa við þetta.

Rikki þurfti að mana sig upp í þetta en stóð við sitt þrátt fyrir að finnast þetta virkilega óþægilegt.

„Mér hefur aldrei liðið jafn illa á ævinni.“

Hægt er að hlusta á þáttinn í heild sinni í spilaranum fyrir neðan:

Brennslan Grín og gaman

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.