Innlent

Bein út­sending: Þjóð­kirkjan kynnir Eina sögu - eitt skref og biðst fyrir­gefningar á mis­rétti gagn­vart hin­segin fólki

Hallgerður Kolbrún E. Jónsdóttir skrifar
Þjóðkirkjan í samstarfi við Samtökin ´78 boðar til kynningarfundar á verkefninu Ein saga - eitt skref.
Þjóðkirkjan í samstarfi við Samtökin ´78 boðar til kynningarfundar á verkefninu Ein saga - eitt skref. Getty - Vísir/Vilhelm

Þjóðkirkjan í samstarfi við Samtökin ´78 hefur boðað til kynningarfundar í dag á verkefninu Ein saga – eitt skref. Tilgangur verkefnisins er að biðjast fyrirgefningar, gera upp og læra af sögu misréttis gagnvart hinsegin fólki innan kirkjunnar. Fundinum verður streymt í beinni útsendingu klukkan 13 og verður sýndur hér á Vísi.

Persónulegum reynslusögum verður safnað af fordómum og andstöðu þjóðkirkjunnar við réttindi hinsegin fólks í gegn um árin að því er fram kemur í grein sem Frú Agnes M. Sigurðardóttir biskup skrifar og birtist í Morgunblaðinu í morgun. Sett hefur verið upp síða þar sem hver og einn sem geymir sögu og vill deila getur skilað inn hér.

Næsta vor verða sögurnar gerðar opinberar. Sögurnar veðra hengdar upp í kirkjum landsins til vitnisburðar og lærdóms. Klukkan 14 í dag verður svo regnbogafáninn dreginn að húni við kirkjur víðs vegar um landið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.