Viðskipti innlent

Tap upp á 212 milljónir hjá Torgi

Vésteinn Örn Pétursson skrifar
Torg gefur meðal annars út Fréttablaðið.
Torg gefur meðal annars út Fréttablaðið. Vísir/Vilhelm

Torg ehf., sem gefur út Fréttablaðið og DV, tapaði 212 milljónum króna á síðasta ári. Rekstrartap félagsins fyrir afskriftir, fjármagnsliði og skatta (EBITDA) var 59 milljónir króna.

Þetta kemur fram í Fréttablaðinu í dag. Þar segir að afskriftir ársins 2019 hafi numið 138 milljónum. Þá hafi kostnaður vegna sameiningar fyrirtækja verið færður til gjalda á síðasta ári og er það sagt hafa haft neikvæð áhrif á afkomu félagsins.

Rekstrartekjur félagsins eru þá sagðar hafa numið 2,3 milljörðum króna og er það 10 prósenta samdráttur miðað við árið á undan. Eins og áður sagði rekur Torg Fréttablaðið og DV, en einnig Hringbraut, Eyjuna, Pressuna, 433 og fleiri vefmiðla. Hjá Torgi starfa um það bil 100 manns.

„Á liðnu rekstrarári keypti félagið eigin prentvél sem annast prentun Fréttablaðsins og DV,“ segir í frétt Fréttablaðsins um málið.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×