Atvinnulíf

Rekstur líklegri til að ganga upp ef stofnendur eru 35 ára eða eldri

Rakel Sveinsdóttir skrifar
Fólk sem er 35 ára og eldra virðist líklegra til að njóta þess betur að stofna sitt eigið fyrirtæki í samanburði við fólk sem stofnar fyrirtæki fljótlega eftir nám.
Fólk sem er 35 ára og eldra virðist líklegra til að njóta þess betur að stofna sitt eigið fyrirtæki í samanburði við fólk sem stofnar fyrirtæki fljótlega eftir nám. Vísir/Getty

Samkvæmt niðurstöðum rannsóknar sem gerð var í Bandaríkjunum árið 2018 er líklegra að rekstur fyrirtækis gangi upp til frambúðar ef stofnendur eru 35 ára eða eldri þegar rekstur hefst. Í umfjöllun Wall Street Journal segir að líkurnar á því að fyrirtækjareksturinn gangi upp til frambúðar aukist um 50% í samanburði við fyrirtækjarekstur þar sem stofnendur eru yngri en 35 ára.

Rannsóknin var gerð á vegum Kauffman Foundation og mældist meðalaldur þeirra sem stofnuðu sitt eigið fyrirtæki vera 39 ára. Eitt af því sem vekur athygli í niðurstöðum er að fólk sem stofnar sitt eigið fyrirtæki á miðjum starfsferli sínum virðist fimm sinnum líklegri til að njóta þess að reka sitt eigið fyrirtæki í samanburði við fólk sem stofnar sitt eigið fyrirtæki fljótlega eftir nám.

Tvær ástæður eru tilgreindar sérstaklega þessu til skýringar.

Í fyrsta lagi sú staðreynd að það tekur fólk alla jafna nokkurn tíma að læra að þekkja sína eigin styrkleika og öðlast reynslu. Í öðru lagi er fólk sem þegar hefur starfað fyrir aðra í nokkurn tíma, oftast fjárhagslega betur sett í samanburði við ungt fólk í fyrirtækjarekstri.

Samkvæmt tölum sem Hagstofan birti þann 8.júlí síðastliðinn höfðu fyrirtæki sem hættu starfsemi á tímabilinu 2014-2016 í 68% tilfella starfað í fimm ár eða skemur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.