Komu sér hjá því að rannsaka afskipti Rússa af breskum kosningum Kjartan Kjartansson skrifar 21. júlí 2020 12:40 Boris Johnson, forsætisráðherra Bretlands, á tali við Vladímír Pútín, forseta Rússlands, á ráðstefnu um málefni Líbíu í janúar. Ríkisstjórn hans er gagnrýnd fyrir að hafa tafið birtingu skýrslu um afskipti Rússlands af breskum kosningum. Vísir/EPA Bresk stjórnvöld „forðuðust gagngert“ að rannsaka afskipti Rússa af þjóðaratkvæðagreiðslum um aðild Bretlands að Evrópusambandinu og sjálfstæði Skotlands samkvæmt nýrri þingmannaskýrslu um aðgerðir Rússa til að hafa áhrif á bresk stjórnmál. Skýrsluhöfundar kalla eftir tafarlausum aðgerðum til að bregðast við afskiptunum. Skýrslu þingmannanna um rússnesk afskipti hefur verið beðið lengi. Boris Johnson forsætisráðherra var sakaður um að beita sér til að koma í veg fyrir birtingu hennar fyrir þingkosningar í vetur en hann hafnar því. Í skýrslunni er meðal annars fjallað um upplýsingafals Rússa, tölvuárásir og rússneska borgara í Bretlandi. Telja skýrsluhöfundar að Bretlands sé eitt helsta skotmark rússneskra stjórnvalda. Kusu þeir að birta ekki nákvæmar upplýsingar um afskiptin af ótta við að Rússar gætu notfært sér þær til þess að ógna Bretlandi, að sögn breska ríkisútvarpsins BBC. Þó að skýrslan sé að nafninu til um afskipti Rússa beina þingmennirnir sem tóku hana saman spjótum sínum fyrst og fremst að breskum stjórnvöldum sjálfum sem þeir telja hafa brugðist algerlega í að taka á aðgerðum Rússa. Kevan Jones, einn skýrsluhöfunda, gagnrýndi bresku ríkisstjórnina fyrir að hafa tafið birtingu skýrslunnar þegar hún var kynnt í dag. Engin gild ástæða hafi verið fyrir töfunum. Dominic Raab, utanríkisráðherra, hvatti Rússa til að hætta afskiptum sínum í dag. Sergei Lavrov, utanríkisráðherra Rússlands, afskrifaði skýrsluna sem „Rússafælni“ í dag. Talsmaður stjórnvalda í Kreml fullyrti að þau skiptu sér ekki af kosningum í öðrum ríkjum. Rannsökuðu ekki því þeir vildu ekki vita Tilraunir Rússa til að dreifa fölskum upplýsingum og ala á sundrung í aðdraganda þjóðaratkvæðagreiðslnanna umdeildu urðu að „heitri kartöflu“ innan stjórnkerfisins. Engin ríkisstofnun, þar á meðal leyniþjónustan, hafi viljað snerta á því. Enginn hafi vitað hvort Rússar hafi reynt að hafa áhrif á Brexit-þjóðaratkvæðagreiðsluna „því þeir vildu ekki vitað það“, sagði Stewart Hosie, einn þingmannanna sem sat í nefndinni sem tók skýrsluna saman. „Það hefði átt að leggja mat á afskipti Rússlands af þjóðaratkvæðagreiðslunni um ESB og það verður að gera það núna og almenningur verður að fá niðurstöður þess mats,“ sagði Hosie ennfremur. Vísaði þingmannanefndin til þess að trúverðugar frásagnir væru einnig til staðar af því að Rússar hefðu reynt að blanda sér inn í þjóðaratkvæðagreiðsluna um sjálfstæði Skotlands árið 2014. Í víðara samhengi gagnrýna þingmennirnir að bresk stjórnvöld hafi ekkert gert til þess að bregðast við innstreymi rússneskra fjármuna og áhrifa í Bretlandi um árabil. Þannig telja nefndarmenn að rússneskir auðkýfingar hafi lengi misnotað svonefnt landvistarleyfi fyrir fjárfesta. „Bretland tók rússneskum peningum fagnandi og fárra spurninga, ef einhverra, var spurt um uppruna þessara umtalsverðu fjármuna,“ segir í skýrslunni. Sundrung hefur ríkt í breskum stjórnmálum og samfélagi undanfarin ár, ekki síst í kringum þjóðaratkvæðagreiðsluna um aðildina að Evrópusambandinu árið 2016.Vísir/EPA Telja sig hagnast á að koma höggi á vestræn ríki Rússar hafa áður verið sakaðir um að reyna að hafa áhrif á kosningar í vestrænum ríkjum. Bandaríska leyniþjónustan telur þannig að Vladímír Pútín forseti hafi skipað fyrir um umfangsmikla samfélagsmiðlaherferð og tölvuárásir til þess að hafa áhrif á forsetakosningarnar í Bandaríkjunum árið 2016 með það fyrir augum að hjálpa Donald Trump að ná kjöri. Í bresku skýrslunni telja þingmennirnir að með afskiptum sínum vaki fyrir Rússum að skapa þá ímynd af sér að þeir séu stórveldi á uppleið. Þeir telji það bæta hag sinn að koma höggi á vestræn ríki. Líklegt sé að Rússar beini spjótum sínum sérstaklega að Bretlandi vegna náinna tengsla þess við Bandaríkin. Bretland Rússland Brexit Skotland Tengdar fréttir Segja Rússa hafa haft afskipti af þjóðaratkvæðagreiðslu um sjálfstæði Skota Í skýrslu leyniþjónustu- og öryggismálanefndar breska þingsins um áhrif Rússlands í stjórnmálum er komist að þeirri niðurstöðu að yfirvöld í Rússlandi hafi reynt að hafa áhrif á niðurstöðu þjóðaratkvæðagreiðslu Skota um sjálfstæði. 20. júlí 2020 22:58 Telja rússneska njósnara beina spjótum sínum að bóluefnisrannsóknum Tölvuþrjótar sem eru að öllum líkindum á vegum rússnesku leyniþjónustunnar beina nú spjótum sínum að stofnunum sem reyna að þróa bóluefni gegn nýju afbrigði kórónuveiru að mati leyniþjónusta Bretlands, Bandaríkjanna og Kanada. Rússar hafnað ásökununum. 16. júlí 2020 16:12 „Nær öruggt“ að Rússar hafi reynt að skipta sér af kosningum á Bretlandi Utanríkisráðherra Bretlands segir „nær öruggt“ að útsendarar Rússlands hafi reynt að hafa afskipti af þingkosningunum þar í landi í fyrra með opinberum skjölum sem þeir komust yfir á ólöglegan hátt. 16. júlí 2020 12:59 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Konurnar hafi gert allt til að setja ekki svartan blett á starfsemina Innlent Forsetavaktin 2024: Hver verður sjöundi forseti lýðveldisins? Innlent Horfa á bíómyndir og senda tölvupósta á meðan þeir keyra Innlent Segir alvarlegt hvernig Katrín tjáði sig um Persónuvernd Innlent Bæjarstjóri sakaður um að vera njósnari: „Engin veit hver hún er“ Erlent Gantz hótar að segja af sér vegna ósættis við Netanjahú Erlent Með vopn og fíkniefni í útistöðum við dyravörð Innlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Fleiri fréttir Bæjarstjóri sakaður um að vera njósnari: „Engin veit hver hún er“ Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Sjá meira
Bresk stjórnvöld „forðuðust gagngert“ að rannsaka afskipti Rússa af þjóðaratkvæðagreiðslum um aðild Bretlands að Evrópusambandinu og sjálfstæði Skotlands samkvæmt nýrri þingmannaskýrslu um aðgerðir Rússa til að hafa áhrif á bresk stjórnmál. Skýrsluhöfundar kalla eftir tafarlausum aðgerðum til að bregðast við afskiptunum. Skýrslu þingmannanna um rússnesk afskipti hefur verið beðið lengi. Boris Johnson forsætisráðherra var sakaður um að beita sér til að koma í veg fyrir birtingu hennar fyrir þingkosningar í vetur en hann hafnar því. Í skýrslunni er meðal annars fjallað um upplýsingafals Rússa, tölvuárásir og rússneska borgara í Bretlandi. Telja skýrsluhöfundar að Bretlands sé eitt helsta skotmark rússneskra stjórnvalda. Kusu þeir að birta ekki nákvæmar upplýsingar um afskiptin af ótta við að Rússar gætu notfært sér þær til þess að ógna Bretlandi, að sögn breska ríkisútvarpsins BBC. Þó að skýrslan sé að nafninu til um afskipti Rússa beina þingmennirnir sem tóku hana saman spjótum sínum fyrst og fremst að breskum stjórnvöldum sjálfum sem þeir telja hafa brugðist algerlega í að taka á aðgerðum Rússa. Kevan Jones, einn skýrsluhöfunda, gagnrýndi bresku ríkisstjórnina fyrir að hafa tafið birtingu skýrslunnar þegar hún var kynnt í dag. Engin gild ástæða hafi verið fyrir töfunum. Dominic Raab, utanríkisráðherra, hvatti Rússa til að hætta afskiptum sínum í dag. Sergei Lavrov, utanríkisráðherra Rússlands, afskrifaði skýrsluna sem „Rússafælni“ í dag. Talsmaður stjórnvalda í Kreml fullyrti að þau skiptu sér ekki af kosningum í öðrum ríkjum. Rannsökuðu ekki því þeir vildu ekki vita Tilraunir Rússa til að dreifa fölskum upplýsingum og ala á sundrung í aðdraganda þjóðaratkvæðagreiðslnanna umdeildu urðu að „heitri kartöflu“ innan stjórnkerfisins. Engin ríkisstofnun, þar á meðal leyniþjónustan, hafi viljað snerta á því. Enginn hafi vitað hvort Rússar hafi reynt að hafa áhrif á Brexit-þjóðaratkvæðagreiðsluna „því þeir vildu ekki vitað það“, sagði Stewart Hosie, einn þingmannanna sem sat í nefndinni sem tók skýrsluna saman. „Það hefði átt að leggja mat á afskipti Rússlands af þjóðaratkvæðagreiðslunni um ESB og það verður að gera það núna og almenningur verður að fá niðurstöður þess mats,“ sagði Hosie ennfremur. Vísaði þingmannanefndin til þess að trúverðugar frásagnir væru einnig til staðar af því að Rússar hefðu reynt að blanda sér inn í þjóðaratkvæðagreiðsluna um sjálfstæði Skotlands árið 2014. Í víðara samhengi gagnrýna þingmennirnir að bresk stjórnvöld hafi ekkert gert til þess að bregðast við innstreymi rússneskra fjármuna og áhrifa í Bretlandi um árabil. Þannig telja nefndarmenn að rússneskir auðkýfingar hafi lengi misnotað svonefnt landvistarleyfi fyrir fjárfesta. „Bretland tók rússneskum peningum fagnandi og fárra spurninga, ef einhverra, var spurt um uppruna þessara umtalsverðu fjármuna,“ segir í skýrslunni. Sundrung hefur ríkt í breskum stjórnmálum og samfélagi undanfarin ár, ekki síst í kringum þjóðaratkvæðagreiðsluna um aðildina að Evrópusambandinu árið 2016.Vísir/EPA Telja sig hagnast á að koma höggi á vestræn ríki Rússar hafa áður verið sakaðir um að reyna að hafa áhrif á kosningar í vestrænum ríkjum. Bandaríska leyniþjónustan telur þannig að Vladímír Pútín forseti hafi skipað fyrir um umfangsmikla samfélagsmiðlaherferð og tölvuárásir til þess að hafa áhrif á forsetakosningarnar í Bandaríkjunum árið 2016 með það fyrir augum að hjálpa Donald Trump að ná kjöri. Í bresku skýrslunni telja þingmennirnir að með afskiptum sínum vaki fyrir Rússum að skapa þá ímynd af sér að þeir séu stórveldi á uppleið. Þeir telji það bæta hag sinn að koma höggi á vestræn ríki. Líklegt sé að Rússar beini spjótum sínum sérstaklega að Bretlandi vegna náinna tengsla þess við Bandaríkin.
Bretland Rússland Brexit Skotland Tengdar fréttir Segja Rússa hafa haft afskipti af þjóðaratkvæðagreiðslu um sjálfstæði Skota Í skýrslu leyniþjónustu- og öryggismálanefndar breska þingsins um áhrif Rússlands í stjórnmálum er komist að þeirri niðurstöðu að yfirvöld í Rússlandi hafi reynt að hafa áhrif á niðurstöðu þjóðaratkvæðagreiðslu Skota um sjálfstæði. 20. júlí 2020 22:58 Telja rússneska njósnara beina spjótum sínum að bóluefnisrannsóknum Tölvuþrjótar sem eru að öllum líkindum á vegum rússnesku leyniþjónustunnar beina nú spjótum sínum að stofnunum sem reyna að þróa bóluefni gegn nýju afbrigði kórónuveiru að mati leyniþjónusta Bretlands, Bandaríkjanna og Kanada. Rússar hafnað ásökununum. 16. júlí 2020 16:12 „Nær öruggt“ að Rússar hafi reynt að skipta sér af kosningum á Bretlandi Utanríkisráðherra Bretlands segir „nær öruggt“ að útsendarar Rússlands hafi reynt að hafa afskipti af þingkosningunum þar í landi í fyrra með opinberum skjölum sem þeir komust yfir á ólöglegan hátt. 16. júlí 2020 12:59 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Konurnar hafi gert allt til að setja ekki svartan blett á starfsemina Innlent Forsetavaktin 2024: Hver verður sjöundi forseti lýðveldisins? Innlent Horfa á bíómyndir og senda tölvupósta á meðan þeir keyra Innlent Segir alvarlegt hvernig Katrín tjáði sig um Persónuvernd Innlent Bæjarstjóri sakaður um að vera njósnari: „Engin veit hver hún er“ Erlent Gantz hótar að segja af sér vegna ósættis við Netanjahú Erlent Með vopn og fíkniefni í útistöðum við dyravörð Innlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Fleiri fréttir Bæjarstjóri sakaður um að vera njósnari: „Engin veit hver hún er“ Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Sjá meira
Segja Rússa hafa haft afskipti af þjóðaratkvæðagreiðslu um sjálfstæði Skota Í skýrslu leyniþjónustu- og öryggismálanefndar breska þingsins um áhrif Rússlands í stjórnmálum er komist að þeirri niðurstöðu að yfirvöld í Rússlandi hafi reynt að hafa áhrif á niðurstöðu þjóðaratkvæðagreiðslu Skota um sjálfstæði. 20. júlí 2020 22:58
Telja rússneska njósnara beina spjótum sínum að bóluefnisrannsóknum Tölvuþrjótar sem eru að öllum líkindum á vegum rússnesku leyniþjónustunnar beina nú spjótum sínum að stofnunum sem reyna að þróa bóluefni gegn nýju afbrigði kórónuveiru að mati leyniþjónusta Bretlands, Bandaríkjanna og Kanada. Rússar hafnað ásökununum. 16. júlí 2020 16:12
„Nær öruggt“ að Rússar hafi reynt að skipta sér af kosningum á Bretlandi Utanríkisráðherra Bretlands segir „nær öruggt“ að útsendarar Rússlands hafi reynt að hafa afskipti af þingkosningunum þar í landi í fyrra með opinberum skjölum sem þeir komust yfir á ólöglegan hátt. 16. júlí 2020 12:59