Innlent

Tveir með veiruna á landa­mærunum

Kristín Ólafsdóttir skrifar
125 sýni voru tekin á sýkla- og veirufræðideild Landspítala í gær.
125 sýni voru tekin á sýkla- og veirufræðideild Landspítala í gær. Þorkell Þorkelsson/Landspítali

Tveir greindust með kórónuveiruna við landamæraskimun síðasta sólarhringinn og bíða báðir eftir mótefnamælingu, samkvæmt nýuppfærðum tölum á Covid.is. Átján eru nú í einangrun með virk smit á landinu og fækkar um tvo síðan í gær. 198 eru í sóttkví og eru staðfest smit frá upphafi faraldurs orðin 1882.

Alls greindust fjórtán með veiruna við landamærin á mánudag og þriðjudag. Af þeim reyndust þrír með virk smit og hafa þannig alls ellefu reynst smitandi sem komið hafa í gegnum landamærin frá 15. júní. Ekkert innanlandssmit greindist síðasta sólarhringinn og hefur raunar ekki greinst síðan 2. júlí.

1.342 sýni var tekið við landamæraskimun í gær og 125 á sýkla- og veirufræðideild Landspítala.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.