Innlent

Hætta talin á gasmengun við Múlakvísl

Kjartan Kjartansson skrifar
Þekkt er að jarðhitavatn berist út í jökulár úr sigkötlum í jöklinum við leysingar á sumrin.
Þekkt er að jarðhitavatn berist út í jökulár úr sigkötlum í jöklinum við leysingar á sumrin. Vísir/Jóhann K.

Jarðhitavatn undan Mýrdalsjökli sem lekur í Múlakvísl er talin ástæða þess að rafleiðni í ánni hefur vaxið hægt undanfarna daga. Veðurstofan varar við því að hætta sé að mögulegri gasmengun á svæðinu við austanverðan jökulinn.

Vegfarendur hafa tilkynnt Veðurstofunni um aukna brennisteinslykt á svæðinu. Gas getur sérstaklega safnast upp í lægðum í landslagi og eru ferðamenn hvattir til að fara að öllu með gát í færslu sem birtist á Facebook-síðu Veðurstofunnar í dag.

Nokkuð algengt er sagt að jarðhitavatn renni úr sigkötlum í jöklinum út í jökulár að sumri til þegar leysing á jöklinum hefur tekið við sér. Vatn hljóp úr öllum helstu sigkötlum á vatnasviði Múlakvíslar í fyrra. Því telur Veðurstofan að ekki sé óvenju mikið um uppsafnað vatn þar nú.

Síðustu daga hefur rafleiðni í Múlakvísl farið hægt vaxandi og talið er að jarðhitavatn undan Mýrdalsjökli sé að leka í...

Posted by Veðurstofa Íslands on Wednesday, 8 July 2020


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.