Erlent

Gekk vopnaður í kringum heimili Trudeau-fjölskyldunnar í þrettán mínútur

Andri Eysteinsson skrifar
Trudeau og fjölskylda búa á tímabundið á svæðinu sem er einnig híbýli ríkisstjórans Julie Payette.
Trudeau og fjölskylda búa á tímabundið á svæðinu sem er einnig híbýli ríkisstjórans Julie Payette. Getty/Mark Horton

Kanadíska lögreglan segir að vopnaður maður sem braust inn um hliðið sem liggur að heimili kanadíska forsætisráðherrans hafi valsað vopnaður um svæðið í þrettán mínútur áður en að lögregla kom augum á hann.

Kanadískir miðlar hafa nafngreint manninn og segja að um varaliðs-hermanninn Corey Hurren sé að ræða. Hurren er sagður hafa keyrt svartan pallbíl í gegnum hliðið snemma morguns og sést á öryggismyndavélum að hann hafi verið vopnaður skammbyssu. Guardian greinir frá.

Hurren á að hafa gengið í átt að rósagarði áður en lögregla stöðvaði för hans við gróðurhús á svæðinu við Rideau Hall sem er í dag bústaður forsætisráðherra Kanada og ríkisstjóra landsins en hvorki Justin Trudeau né Julie Payette ríkisstjóri voru á staðnum þegar Hurren bar að garði í morgun.

„Hvorki forsætisráðherrann né ríkisstjórinn voru í nokkurri hættu,“ sagði lögreglustjórinn Mike Duheme sem sagði Hurren hafa haft nokkur vopn meðferðis.

Forsætisráðherrann og fjölskylda hans hafa búið í Rideau Hall á meðan unnið er að viðgerðum á opinberu heimili forsætisráðherra við 24 Sussex Drive.

Kanada
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið