Áströlsk YouTube-stjarna sýnir frá ferðamannalausu Íslandi

Ástralska YouTube-stjarnan Sorelle Amore ákvað fyrir ekki svo löngu að fjárfesta í draumahúsi sínu og það hér á Íslandi og sýndi hún frá eigninni og lífi sínu hér á landi í maí.

 Amore bjó hér á landi fyrir fjórum árum og ætlaði síðan búa víðsvegar um heiminn. Hún bjó í Los Angeles á síðasta ári en ákvað að fjárfesta í draumhúsinu úti á landi hér á Íslandi undir lok síðasta árs.

Í nýju myndbandi frá Amore sýnir hún hvernig Ísland lítur út án ferðamanna en hún hefur ferðast töluvert um landið að undanförnu.

Sorelle Amore er með um eina milljón fylgjenda á YouTube og nokkuð vinsæl á þeim vettvangi.

Hér að neðan má sjá nýjasta myndbandið frá Amore.