Innlent

Sex ára barn féll þrjá metra gegnum loft­ræstigrind

Hallgerður Kolbrún E. Jónsdóttir skrifar
Kórar
Kórar Foto: Vilhelm Gunnarsson/Vilhelm Gunnarsson

Sex ára gamalt barn féll niður um þrjá metra þegar það var á gangi fyrir framan Kórinn í Kópavogi í gær. Barnið var á leið á æfingu og gekk yfir loftræstigrind fyrir utan húsið sem ekki hafði verið gengið almennilega frá og féll barnið niður um grindina.

Þetta gerðist rétt eftir klukkan fimm í gær og var lögregla og tveir sjúkrabílar kallaðir á staðinn. Annar sjúkrabíllinn sneri þó við þegar í ljós kom að atvikið væri ekki alvarlegt. Barnið var við meðvitund þegar viðbragðsaðilar komu á staðinn en hafði fengið skurð á höfuð og tennur brotnað. Þetta staðfesti lögregla og slökkvilið í samtali við fréttastofu Vísis.

Illa hafði verið gengið frá grindinni og færðist hún til þegar barnið steig á hana með þeim afleiðingum að það féll ofan í.

Málið er litið alvarlegum augum af Kópavogsbæ og lögreglan hefur málið nú til rannsóknar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.