Matthías og Eva glæsileg í opnunarteiti

Stefán Árni Pálsson skrifar 4. júní 2020 15:30

Það er óhætt að segja að Tinna Hemstock eigandi Apríl Skór láti ástandið í samfélaginu ekki halda aftur af sér en verslunin flutti þann 1. apríl í stærra og veglegra verslunarrými á Garðatorgi 6.

Apríl Skór opnaði í desember 2017 og ávallt verið til húsa í Garðabæ.

„Þegar okkur bauðst þetta pláss á Garðatorgi þá var ekkert annað í myndinni en að slá til því plássið sem við vorum í var orðið of lítið fyrir okkur,“ segir Tinna.

„Þegar við opnum á nýja staðnum var strangt samkomubann og því þurftum við að slá opnunarteitinu á frest en það var gaman að geta loksins fagnað með viðskiptavinum okkar.”

Tinna segir viðtökurnar hafa verið ljómandi góðar og að Garðatorg sé að sækja í sig veðrið.

„Ég er mjög þakklát fyrir þær viðtökur sem við höfum fengið frá því að við opnuðum. Sem uppalinn Garðbæingur er gaman að sjá Garðatorg lifna við með öllum þessum flottu verslunum og veitingastöðum sem eru komin á torgið.”

Hér að neðan má sjá myndir úr teitinu.

Hér má sjá Tinnu Hemstock ásam unnusta sínum Sigurjóni Jónssyni lengst til hægri.

Rannver Sigurjónsson og Rakel Orradóttir glæsileg.

Parið Matthías Imsland og Eva Björg Bragadóttir mættu. Matthías var áður forstjóri Iceland Express, vann hjá Wow Air og einnig aðstoðarmaður Eyglóar Harðardóttur þáverandi félagsmálaráðherra.

Stuð hjá þessum starfsmönnum búðarinnar.

Kristófer Óskar leikmaður Fjölnis í Pepsi Max deildinni með Þorgeiri félaga sínum.

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.