Lífið

Einhleypar inn í sumarið

Stefán Árni Pálsson skrifar
Stórglæsilegar konur á listanum yfir flottustu einhleypu konur landsins. 
Stórglæsilegar konur á listanum yfir flottustu einhleypu konur landsins.  Myndir/instagram

Eftir erfiðan vetur er sumarið loks komið og kórónuveiran virðist vera að hverfa úr íslensku samfélagi. 

Lífið hefur því tekið saman lista yfir eftirsóttar einhleypar konur hér á landi en í síðustu viku var farið yfir karlmennina.

Sérstök nefnd Vísis var skipuð til að velja eftirsóttustu piparjúnkur landsins og má sjá yfirferðina hér að neðan.

Birgitta Líf Björnsdóttir þykir ein glæsilegasta kona landsins en hún starfar sem markaðstjóri World Class og er einnig mikil samfélagsmiðlastjarna. Á Instagram með sjá mikið magn af fallegum myndum af Birgittu sem kann greinilega að lifa lífinu.

Áslaug Arna Sigurbjörnsdóttir dómsmálaráðherra hefur náð ótrúlega langt á sviði stjórnmálanna og það á stuttum tíma. Hún er mjög sjarmerandi og stórglæsileg. Áslaug er einhleyp en hefur nóg að gera að sinna starfi sínu sem dómsmálaráðherra. 

Guðríður Torfadóttir, betur þekkt sem Gurrý, greindi frá því í forsíðuviðtali í DV á dögunum að hún væri skilin að borði og sæng við eiginmann sinn Markús Má Þorgeirsson eftir 17 ára hjónaband. Gurrý er einn vinsælasti einkaþjálfari landsins og í fantaformi.

Gurrý hefur verið einn vinsælasti einkaþjálfari landsins í mörg ár.MYND/EMILÍA ANNA

Athafnakonan Manuela Ósk Harðardóttir hefur verið áberandi í íslenskum fjölmiðlum undanfarin ár. Hún er mjög vinsæl á samfélagsmiðlum og á mörg þúsund aðdáendur á þeim vettvangi. Manuela er framkvæmdastjóri Miss Universe Iceland hér á landi og hefur keppnin náð miklum vinsældum frá því hún var fyrst haldin hér á landi fyrir nokkrum árum. 

Manuela sló í gegn í skemmtiþáttunum Allir geta dansað á Stöð2 fyrir nokkrum misserum. 

Fjölmiðlakonan Guðrún Sóley Gestsdóttir hefur vakið mikla athygli fyrir frábæra frammistöðu í Menningunni á RÚV.  Guðrún er stórglæsileg og á lausu. 

Crossfit-drottningin Sara Sigmundsdóttir er ein vinsælasta og besta Crossfitstjarna heims og hefur heillað heimsbyggðina með dugnaði, metnaði og krafti sínum á Crossfit-sviðinu. Sara er einhleyp og þykir hún verulega glæsileg kona. 

Söngkonan Sigríður Beinteinsdóttir hefur í nokkra áratugi verið ein vinsælasta söngkona landsins. Sigga Beinteins er í raun þjóðareign og sló fyrst í gegn með sveitinni Stjórninni og þegar hún tók þátt fyrir Íslands hönd í Eurovision með frábærum árangri. Hún er einhleyp og sjaldan litið betur út. 

Fjölmiðlakonan Hugrún Halldórsdóttir hefur starfað við dagskrágerð á Stöð 2 og Sjónvarpi Símans í nokkur ár. Hún hefur einnig starfað sem upplýsingafulltrúi Bláa Lónsins. Hugrún er mjög hrifin af íslenskri náttúru og ferðast mikið um landið. Einnig hefur Hugrún ferðast mikið um heiminn. Hugrún þykir virkilega glæsileg kona sem er á lausu.

Söngkonan Sigríður Thorlacius er ein allra besta söngkona landsins sem vakti fyrst athygli með sveitinni Hjaltalín. Sigríður er ótrúlega sjarmerandi og glæsileg kona sem er á lausu. Hún hefur oft á tíðum heillað landsmenn með sjarma sínum og ótrúlega fallegri rödd.

Athafnarkonan Anna Lilja Johansen sem starfar fyrir tískumerkið Another-Creation hefur í mörg ár þótt ein glæsilegasta kona landsins. Anna er á lausu og nýtur lífsins. Anna er til vinstri á myndinni hér fyrir neðan sem tekin var 1. október 2018.

Leikkonan Kristín Pétursdóttir er án ef ein allra glæsilegasta kona landsins. Hún hefur vakið mikla athygli fyrir frábæra frammistöðu í leiklistarsenunni hér á landi og leikur meðal annars í þáttum Stöðvar 2, Eurogarðurinn, sem fara í sýningar í haust en tökur standa yfir. Kristín er einhleyp og nýtur þess greinilega að vera til ef marka má Instagram-reikning hennar. 

Fjölmiðlakonan og rithöfundurinn Björg Magnúsdóttir hefur slegið í gegn á skjánum undanfarin ár og farið mikinn í beinum útsendingum í Söngvakeppninni og í þáttunum Kappsmál. Hún starfar einnig á Rás 2 og skrifaði handritið að þáttunum Ráðherrann.

Björg gekk í gegnum skilnað á síðasta ári og er því í dag á lausu. 

Dansdrottningin Telma Rut Sigurðardóttir hefur slegið í gegn í báðum þáttaröðunum af Allir geta dansað á Stöð 2. Hún er stórkostlegur dansari og mjög svo sjarmerandi á dansgólfinu. Telma er vinsæl á Instagram þar sem hún birtir fallegar myndir reglulega. 

Fréttakonan Alma Ómarsdóttir er einhleyp en hún hefur vakið mikla athygli fyrir gott starf sem fréttakona á fréttastofu RÚV. Alma þykir stórglæsileg eins og sjá má hér að neðan. 

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.