Viðskipti innlent

Lág­marks­verð mjólkur til bænda hækkar um 5,5 prósent

Atli Ísleifsson skrifar
,Vilhelm einkasafn,
,Vilhelm einkasafn, Vísir/Vilhelm

Lágmarksverð mjólkur til bænda hefur hækkað um 5,5 prósent og heildsöluverð smjörs hækkar um tólf prósent.

Þetta kemur fram á vef atvinnuvega- og nýsköpunarráðuneytisins þar sem segir frá ákvörðun verðlagsnefndar búvara um hækkun lágmarksverðs mjólkur til bænda sem og heildsöluverðs mjólkur og mjólkurafurða sem nefndin verðleggur.

Í tilkynningunni segir að lágmarksverð fyrsta flokks mjólkur til bænda hækki um 5,5 prósent og fari verðið úr 92,74 krónur á lítra í 97,84 krónur á hvern lítra.

„Heildsöluverð mjólkur og mjólkurvara sem nefndin verðleggur hækkar um 4,28%, nema smjör sem hækkar um 12%. Vegin hækkun heildsöluverðs er 4,69%,“ segir í tilkynningunni sem og að verðbreytingar hafi tekið gildi í gær, 1. júní.

Til komin vegna kostnaðarhækkana

„Verðhækkunin er til komin vegna kostnaðarhækkana við framleiðslu og vinnslu mjólkur, en síðasta verðbreyting fór fram 1. janúar 2020. Við síðustu verðlagningu var gengið skemur en þróun verðlagsgrundvallar kúabús og gjaldaliða hjá afurðastöðvum gaf tilefni til. Verðhækkun 1. júní 2020 byggist á uppsafnaðri hækkun frá verðlagningu 1. september 2018, að frádreginni verðhækkun 1. janúar 2020.

Frá verðlagningu 1. september 2018 hafa gjaldaliðir í verðlagsgrundvelli kúabús hækkað um 5,5% að frádreginni 2,5% verðhækkun í janúar 2020. Fyrir sama tímabil er reiknuð hækkun vinnslu- og dreifingarkostnaðar afurðastöðva 3,85%, að frádreginni 2,5% verðhækkun í janúar 2020,“ segir í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×