Sport

Dagskráin í dag: Sportið í dag, bikarúrslitaleikir og bestu leikmenn Norðurlanda í spænska boltanum

Sindri Sverrisson skrifar
Sportið í dag verður á sínum stað á Stöð 2 Sport kl. 15, í beinni útsendingu.
Sportið í dag verður á sínum stað á Stöð 2 Sport kl. 15, í beinni útsendingu.

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Á Stöð 2 Sport í dag verður ýmislegt í boði, allt frá heimsleikunum í Crossfit til þátta um störf íslenskra dómara, eða eftirminnilegra leikja í úrslitakeppninni í körfubolta og enska bikarnum. Þá verður þáttur um leikmenn frá Norðurlöndum í þáttaröð um bestu leikmenn í sögu spænsku 1. deildarinnar í fótbolta.

Stöð 2 Sport 2

Á Stöð 2 Sport 2 verða sýndir úrslitaleikir úr bikarkeppnum karla og kvenna í fótbolta á síðustu árum, eða allt frá árinu 2013 þegar Fram og Stjarnan mættust í karlaflokki.

Stöð 2 Sport 3

Kraftajötnar og fótboltakrakkar eiga sviðið á Stöð 2 Sport 3 þar sem sýndir verða þættir um aflraunamót í kvöld en sumarmótin í fótbolta barna sýnd fram eftir degi.

Stöð 2 eSport

Á rafíþróttastöðinni Stöð 2 eSport verða sýndir leikir úr íslensku deildinni í League of Legends og Counter-Strike nú þegar stytist í Stórmeistaramót Vodafone-deildarinnar sem sýnt verður um helgina.

Stöð 2 Golf

Á Stöð 2 Golf verður hægt að rifja upp skemmtilegt einvígi Tiger Woods og Phil Mickelson og horfa á útsendingu frá lokadegi Masters mótsins í fyrra, auk fleira efnis.

Útsendingar dagsins má finna á heimasíðu Stöðvar 2.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.