Bein útsending: Fréttir Stöðvar 2

Það mun kosta tæpar 160 milljónir króna að veiruprófa 500 ferðamenn á dag í tvær vikur á landamærunum. Verkefnisstjórn telur gerlegt að hleypa ferðamönnum til landsins með slíkri aðferð. Ráðast þarf í fjölda verkefna til að svo geti orðið.

Í kvöldfréttum verður farið vandlega yfir mat starfshóps á sýnatöku á landamærunum þegar stefnt er að opna landið um miðjan júní.

Staðan verður einnig tekin á Isavia en reiknað er með því að hægt verði að afgreiða fimm til sex flugvélar á dag til að byrja með á Keflavíkurflugvelli eftir opnun landamæranna.

Ferðagjöf til landsmanna var kynnt í dag og segir ferðamálaráðherra gjöfina vera táknræna aðgerð til að örva eftirspurn. Samkvæmt nýrri könnun ætlar stór hluti Íslendinga að ferðast innanlands í sumar en þó ekki verja nema 70 þúsund krónum í sumarfríið.

Fyrir utan ítarlega umfjöllun um sumarfrí og ferðalög í sumar verður fjallað um hópuppsagnir, vindorku og ýmislegt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30