Viðskipti erlent

EasyJet hefur sig til flugs á ný

Vésteinn Örn Pétursson skrifar
Félagið áætlar að flognar verði tæplega 190 ferðir á viku að meðaltali.
Félagið áætlar að flognar verði tæplega 190 ferðir á viku að meðaltali. Vísir/EPA

Breska lággjaldaflugfélagið EasyJet mun hefja farþegaflug á nýjan leik þann 15. júní næstkomandi. Þetta tilkynntu forsvarsmenn félagsins í dag. Félagið hefur ekki flogið síðan í lok mars. Ástæðan er kórónuveirufaraldurinn sem herjað hefur á heimsbyggðina síðustu mánuði.

Þær flugleiðir sem aftur verða flognar í júní eru að mestu innan Bretlands og Frakklands. Eina millilandaflugið frá Bretlandi sem hefst á þessum tíma verður á milli Gatwick-flugvallar í London og Nice í Frakklandi.

Farþegum og áhöfnum véla félagsins verður gert að vera með grímur til þess að draga úr hættunni á útbreiðslu kórónuveirunnar.

Breska ríkisútvarpið hefur eftir Johan Lundgren, framkvæmdastjóra EasyJet, að um sé að ræða „lítil og varlega skipulögð skref“ í því að koma rekstri félagsins aftur af stað. Eftir að flug hefjist að nýju verði flognar að meðaltali tæplega 190 ferðir á viku.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ISB
4,65
762
1.741.496
ICEAIR
4,29
54
145.354
EIM
1,25
10
28.167
REITIR
1,15
19
572.613
ARION
1,04
51
1.504.208

Mesta lækkun dagsins


Félag
Br.%
Fjöldi
Velta*
BRIM
-1,45
4
10.283
SVN
-0,64
30
26.881
ICESEA
-0,57
6
5.995
SIMINN
-0,47
13
309.286
VIS
-0,3
5
9.930
Velkomin á Vísi. Þessi vefur notar vafrakökur. Sjá nánar.