Sala TM Software á Tempo margfaldast Óli Kristján Ármannsson skrifar 7. ágúst 2014 07:00 Ágúst Sigurðsson, framkvæmdastjóri TM Software, og Pétur Ágústsson, markaðs- og verkefnastjóri Tempo hjá fyrirtækinu. Fréttablaðið/Daníel „Við höfum verið að tvöfalda söluna á hverju ári og reiknum með að geta haldið því áfram,“ segir Ágúst Einarsson, framkvæmdastjóri TM Software, um rífandi gang sem verið hefur í Tempo-hugbúnaði fyrirtækisins. Áætlanir TM Software gera ráð fyrir að á þessu ári verði seldur Tempo-hugbúnaður fyrir um 700 milljónir króna sem er 75 prósentum yfir sölu síðasta árs og nærri þreföld sala ársins 2012. Þá kom fram í tengslum við hálfsársuppgjör Nýherja, móðurfélags TM Software, undir lok síðasta mánaðar, að á milli ára hefði á þessu ári verið 86 prósenta vöxtur í erlendum tekjum hjá TM Software. „Þessi vöxtur Tempo er okkur afar mikilvægur, allar þær tekjur eru erlendar,“ var þá haft eftir Finni Oddssyni, forstjóra Nýherja, sem sagði að vegna þessa væri tæpur helmingur veltu TM Software í erlendri mynt.Tempo-hugbúnaður TM Software er verkfæri fyrir hugbúnaðarfyrirtæki til verkefnastjórnunar eftir agile-hugmyndafræði sem rutt hefur sér til rúms í upplýsingatæknigeira. Hugbúnaðurinn er viðbót við ástralskan hugbúnað frá fyrirtæki sem nefnist Atlassian. Sá hugbúnaður selst nú „eins og heitar lummur“ út um allan heim, að sögn framkvæmdastjóra TM Software. „Við bætum mjög mikilvægri virkni inn í þann hugbúnað og það hjálpar okkur mjög mikið í allri sölumennsku að vera svona nálægt þeim og höfum nú síðastliðin tvö ár verið með söluhæstu viðbótina ofan á þeirra vöru,“ segir Ágúst. Viðskiptamódelið sé aðeins öðru vísi en gengur og gerist, horft sé til sölu yfir internetið þar sem auðvelt sé að hlaða búnaðinum niður. Hugbúnaðurinn sé hafður tiltölulega ódýr, en horft til sölu á heimsmarkaði og reynt að selja sem flest leyfi. „Við erum komnir með yfir 5.000 viðskiptavini í yfir 100 löndum og fylgjum mjög vel eftir útbreiðslu Atlassian, sem eru komnir með yfir 25.000 leyfi.“ Samfara örum vexti segist Ágúst gera ráð fyrir því að fyrirtækið haldi áfram að bæta við sig fólki, en núna starfa 40 til 45 starfsmenn við Tempo hjá TM Software. „Við erum búin að ráða mikið á þessu ári,“ segir hann og kveður frekari ráðningar á döfinni á næsta ári. „Við tvöföldum kannski ekki starfsmannafjöldann eins og söluna, en vöxum líka hratt á næsta ári,“ segir hann og telur líklegt að salan á Tempo fari þá yfir milljarð króna. Þá segir Ágúst fyrirtækinu ganga vel að ráða til sín starfsfólk, en heyrst hefur úr upplýsingatæknigeiranum að hörgull sé á tæknimenntuðu starfsfólki. „Við ráðum mikið af ungu fólki og stærri árgangar sem eru að koma út úr skólum núna.“ Eins segir Ágúst að skili sér samstarf við háskólana þar sem fólk hafi unnið lokaverkefni sín hjá TM Software og vilji gjarnan halda áfram að vinna hjá fyrirtækinu í framhaldinu. „Svo hafa margir áhuga á að vinna við að þróa vöru sem seld er á alþjóðlegan markað.“ Margmilljarðamæringar fyrir fertugt Á þessu ári fór metið „virði“ stofnenda Atlassian-hugbúnaðarfyrirtækisins ástralska, þeirra Scotts Farquhar og Mikes Cannon-Brookes, yfir 1,1 milljarð Bandaríkjadala (127 milljarða króna) hjá hvorum þeirra á BRW Rich 200 listanum. Félagarnir eru 34 ára gamlir, vinir síðan í háskóla og stofnuðu fyrirtæki sitt af vanefnum eftir útskrift árið 2002. Hraður vöxtur Núna starfa nærri þúsund manns hjá Atlassian og tekjur á nýliðnu rekstrarári námu um 200 milljónum dala (23,1 milljarði króna). Í farvatninu er svo skráning fyrirtækisins á markað í Bandaríkjunum. Á meðal þekktra fyrirtækja sem notast við hugbúnað Atlassian eru Facebook, Hulu, eBay, Zinga, Twitter, Adobe, Cisco, Netflix, LinkedIn, Apache, Nasa, Audi, og Virgin Media. Mest lesið Lokar Önnu Jónu og segir það mikinn létti Viðskipti innlent Arnar Már nýr aðstoðarforstjóri Viðskipti innlent Sjö vilja taka við af Gunnari Viðskipti innlent Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent Hefja sölu á íbúðum á Orkureitnum Viðskipti innlent Hagnaður Íslandsbanka 5,4 milljarðar á fyrsta fjórðungi Viðskipti innlent Hagnaður Landsbankans nam 7,2 milljörðum á fyrstu þremur mánuðum ársins Viðskipti innlent „Ég var skíthrædd að senda þessa tölvupósta“ Atvinnulíf Bein útsending: Stærri styrktækifæri í mannvirkjaiðnaði Viðskipti innlent Frumkvöðlar koma saman í Kolaportinu Viðskipti innlent Fleiri fréttir Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Sjá meira
„Við höfum verið að tvöfalda söluna á hverju ári og reiknum með að geta haldið því áfram,“ segir Ágúst Einarsson, framkvæmdastjóri TM Software, um rífandi gang sem verið hefur í Tempo-hugbúnaði fyrirtækisins. Áætlanir TM Software gera ráð fyrir að á þessu ári verði seldur Tempo-hugbúnaður fyrir um 700 milljónir króna sem er 75 prósentum yfir sölu síðasta árs og nærri þreföld sala ársins 2012. Þá kom fram í tengslum við hálfsársuppgjör Nýherja, móðurfélags TM Software, undir lok síðasta mánaðar, að á milli ára hefði á þessu ári verið 86 prósenta vöxtur í erlendum tekjum hjá TM Software. „Þessi vöxtur Tempo er okkur afar mikilvægur, allar þær tekjur eru erlendar,“ var þá haft eftir Finni Oddssyni, forstjóra Nýherja, sem sagði að vegna þessa væri tæpur helmingur veltu TM Software í erlendri mynt.Tempo-hugbúnaður TM Software er verkfæri fyrir hugbúnaðarfyrirtæki til verkefnastjórnunar eftir agile-hugmyndafræði sem rutt hefur sér til rúms í upplýsingatæknigeira. Hugbúnaðurinn er viðbót við ástralskan hugbúnað frá fyrirtæki sem nefnist Atlassian. Sá hugbúnaður selst nú „eins og heitar lummur“ út um allan heim, að sögn framkvæmdastjóra TM Software. „Við bætum mjög mikilvægri virkni inn í þann hugbúnað og það hjálpar okkur mjög mikið í allri sölumennsku að vera svona nálægt þeim og höfum nú síðastliðin tvö ár verið með söluhæstu viðbótina ofan á þeirra vöru,“ segir Ágúst. Viðskiptamódelið sé aðeins öðru vísi en gengur og gerist, horft sé til sölu yfir internetið þar sem auðvelt sé að hlaða búnaðinum niður. Hugbúnaðurinn sé hafður tiltölulega ódýr, en horft til sölu á heimsmarkaði og reynt að selja sem flest leyfi. „Við erum komnir með yfir 5.000 viðskiptavini í yfir 100 löndum og fylgjum mjög vel eftir útbreiðslu Atlassian, sem eru komnir með yfir 25.000 leyfi.“ Samfara örum vexti segist Ágúst gera ráð fyrir því að fyrirtækið haldi áfram að bæta við sig fólki, en núna starfa 40 til 45 starfsmenn við Tempo hjá TM Software. „Við erum búin að ráða mikið á þessu ári,“ segir hann og kveður frekari ráðningar á döfinni á næsta ári. „Við tvöföldum kannski ekki starfsmannafjöldann eins og söluna, en vöxum líka hratt á næsta ári,“ segir hann og telur líklegt að salan á Tempo fari þá yfir milljarð króna. Þá segir Ágúst fyrirtækinu ganga vel að ráða til sín starfsfólk, en heyrst hefur úr upplýsingatæknigeiranum að hörgull sé á tæknimenntuðu starfsfólki. „Við ráðum mikið af ungu fólki og stærri árgangar sem eru að koma út úr skólum núna.“ Eins segir Ágúst að skili sér samstarf við háskólana þar sem fólk hafi unnið lokaverkefni sín hjá TM Software og vilji gjarnan halda áfram að vinna hjá fyrirtækinu í framhaldinu. „Svo hafa margir áhuga á að vinna við að þróa vöru sem seld er á alþjóðlegan markað.“ Margmilljarðamæringar fyrir fertugt Á þessu ári fór metið „virði“ stofnenda Atlassian-hugbúnaðarfyrirtækisins ástralska, þeirra Scotts Farquhar og Mikes Cannon-Brookes, yfir 1,1 milljarð Bandaríkjadala (127 milljarða króna) hjá hvorum þeirra á BRW Rich 200 listanum. Félagarnir eru 34 ára gamlir, vinir síðan í háskóla og stofnuðu fyrirtæki sitt af vanefnum eftir útskrift árið 2002. Hraður vöxtur Núna starfa nærri þúsund manns hjá Atlassian og tekjur á nýliðnu rekstrarári námu um 200 milljónum dala (23,1 milljarði króna). Í farvatninu er svo skráning fyrirtækisins á markað í Bandaríkjunum. Á meðal þekktra fyrirtækja sem notast við hugbúnað Atlassian eru Facebook, Hulu, eBay, Zinga, Twitter, Adobe, Cisco, Netflix, LinkedIn, Apache, Nasa, Audi, og Virgin Media.
Mest lesið Lokar Önnu Jónu og segir það mikinn létti Viðskipti innlent Arnar Már nýr aðstoðarforstjóri Viðskipti innlent Sjö vilja taka við af Gunnari Viðskipti innlent Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent Hefja sölu á íbúðum á Orkureitnum Viðskipti innlent Hagnaður Íslandsbanka 5,4 milljarðar á fyrsta fjórðungi Viðskipti innlent Hagnaður Landsbankans nam 7,2 milljörðum á fyrstu þremur mánuðum ársins Viðskipti innlent „Ég var skíthrædd að senda þessa tölvupósta“ Atvinnulíf Bein útsending: Stærri styrktækifæri í mannvirkjaiðnaði Viðskipti innlent Frumkvöðlar koma saman í Kolaportinu Viðskipti innlent Fleiri fréttir Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Sjá meira