Fimmtán marka stórsigur á Kínverjum

Íslensku stelpurnar í landsliði 20 ára og yngri í handbolta unnu stórsigur á Kína í næst síðasta leik sínum í riðlakeppni HM U20 í Ungverjalandi.

Fyrir leikinn hafði Ísland gert eitt jafntefli, unnið einn leik og tapað einum og var í þriðja sæti B-riðils.

Það var allt í járnum í upphafi leiks en íslensku stelpurnar sóttu í sig veðrið þegar á leið og staðan var 18-9 fyrir Íslandi í hálfleik.

Sigurinn var aldrei í hættu í seinni hálfleik, munurinn fimmtán mörk í leikslok, 35-20.

Lokaleikur Íslands er á sunnudag gegn Síle.

Glæsilegur sigur á Kína. 35-20. #stelpurnarokkar#handball#u20kv#handbolti#hungary2018#summeriscomming#worldchampionshippic.twitter.com/tZJBE7InzA

— HSÍ (@HSI_Iceland) July 6, 2018