Framboð verkalýðsins yrði ráðandi afl á Alþingi samkvæmt nýrri könnun Kolbeinn Tumi Daðason skrifar 10. janúar 2020 11:56 Ragnar Þór segir ljóst að nýtt afl myndi hirða fylgi af öllum flokkum. Vísir/Vilhelm Ragnar Þór Ingólfsson, formaður VR, segir að niðurstaða könnunar sem stjórn VR fékk til að vinna fyrir sig um áhuga almennings á nýju stjórnmálaafli úr verkalýðshreyfingunni gefi byr undir báða vængi. MMR framkvæmdi könnunina og var niðurstaðan að sögn Ragnars sú að 23 prósent svarenda höfðu áhuga á að kjósa slíkan flokk yrði hann stofnaður. Ragnar viðraði hugmyndina í nóvember og vísaði til þess að um væri að ræða nýtt afl gegn spillingu. Hann segist þeirrar skoðunar að finnast ólíklegt að þeir flokkar sem bjóði fram til Alþingis nái að brúa það vantraust sem myndast hafi milli þings og þjóðar. „Því síður að vinda ofan af sviknum kosningaloforðum og annari spillingu sem almenningur er nánast vikulega minntur á. Það er hreinlega of langt mál að taka dæmi í þeim efnum,“ segir Ragnar Þór í færslu á Facebook. Að óbreyttu verður næst kosið til Alþingis árið 2021. Borin von að hægt sé að koma í veg fyrir spillingu „Ólíklegt er, miðað við samsetningu síðustu ríkisstjórna og þeirra sem hægt er að mynda miðað við síðustu kannanir, að takist að breyta fiskveiðistjórnunarkerfinu, slá raunverulega skjaldborg um heilbrigðiskerfið, afnema skerðingar, virða niðurstöðu þjóðaratkvæðagreiðslu um stjórnarkrána eða vinda ofan af frekari hugmyndum um einkavæðingu grunnstoða samfélagsins,“ segir Ragnar Þór. Hann segir allar líkur á því að kerfisbundið verði haldið áfram að grafa undan innviðum til að tryggja og hyggla þröngum sérhagsmunaöflum enn meiri auð og enn meiri völd. Sömu öfl og hafi tekið yfir íslenskt samfélag sem skuggar og fjárhagslegur bakhjarl húsbóndahollra stjórnmála. „En þar með er ekki sagt að allir þingmenn eða flokkar séu spilltir og svikulir. Síður en svo. Það er einfaldlega borin von að samsetning næstu ríkisstjórna verði með þeim hætti að koma megi í veg fyrir það sem að ofan er lýst.“ Ekki útþynntur verkefnalisti Hann hafi viðrað hugmyndina um verkalýsðhreyfingu með þverpólitískt framboð til Alþingis á dögunum og sú hugmynd vakið töluverða athygli. „Svo mikla að varðhundar núverandi kerfis reyndu að halda því fram að það stangaðist á við lög að hreyfingin hefði skoðanir á því eða vildi hafa bein áhrif á hvernig landinu okkar er stjórnað.“ Þó hafi hugmyndinst byggst eingöngu á því að hreyfingin bjóði fram með stuttan verkefnalista sem kjósendur gætu valið um. „Verkefnalista sem væri ekki útþynntur með bittlingum á háborði stjórnarráðsins heldur væri framboðið nauðvörn gegn þeirri stöðu sem uppi er í íslenskum stjórnmálum. Framboðið væri tilraun í eitt kjörtímabil. Sterk viðbrögð sérhagsmunaafla er mælikvarði á það hvort við erum á réttri leið eða ekki. Mín tilfinning var sú að með þessari hugmynd vorum við á hárréttri leið.“ Stórfréttir og áfellisdómur Stjórn VR hafi því látið gera viðhorfskönnun almennings á því hvort óstofnað stjórnmálaafl verkalýðshreyfingarinnar nyti brautargengis í næsti Alþingiskosningum. „Niðurstaðan var athyglisverð og ánægjuleg því 23% svarenda höfðu hug á að kjósa slíkan flokk verði hann stofnaður. Það þýðir að um væri að ræða stærsta stjórnmálaflokkinn miðað við síðustu kannanir og mögulega ráðandi afl eftir næstu kosningar.“ Þetta hljóti að vera stórfréttir en að sama skapi áfellisdómur yfir núverandi flokkakerfi því samkvæmt könnun MMR væri óstofnað framboð að taka fylgi af öllum flokkum. Ragnar vildi ekki afhenda fréttastofu eintak af könnuninni sem stjórn VR lét vinna. Hann vildi fyrst kynna niðurstöðurnar fyrir miðstjórn ASÍ. Alþingi Kjaramál Skoðanakannanir Mest lesið „Ekki bara rekinn heldur á staðnum og fyrirvaralaust“ Innlent „Vona að þú sofir vel“ Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Í leyfi frá þingstörfum og flytur til New York Innlent Tifandi tímasprengjan sem grunuð er um frelsissviptingu Innlent Kári var harðákveðinn að hætta ekki sem forstjóri Innlent „Ég meina, hann er að missa fyrirtækið sitt“ Innlent Kári hættur hjá Íslenskri erfðagreiningu Innlent Buðu mótherjum Björgólfs fyrst þjónustu sína Innlent Lokunin óásættanleg og muni leiða til verðhækkana fyrir íbúa Innlent Fleiri fréttir Nýtt 44 herbergja hjúkrunarheimili byggt í Hveragerði „Þetta er vítahringur sem að endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Umtöluð frelsissvipting og stórslösuð sjónvarpsstjarna Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Sjá meira
Ragnar Þór Ingólfsson, formaður VR, segir að niðurstaða könnunar sem stjórn VR fékk til að vinna fyrir sig um áhuga almennings á nýju stjórnmálaafli úr verkalýðshreyfingunni gefi byr undir báða vængi. MMR framkvæmdi könnunina og var niðurstaðan að sögn Ragnars sú að 23 prósent svarenda höfðu áhuga á að kjósa slíkan flokk yrði hann stofnaður. Ragnar viðraði hugmyndina í nóvember og vísaði til þess að um væri að ræða nýtt afl gegn spillingu. Hann segist þeirrar skoðunar að finnast ólíklegt að þeir flokkar sem bjóði fram til Alþingis nái að brúa það vantraust sem myndast hafi milli þings og þjóðar. „Því síður að vinda ofan af sviknum kosningaloforðum og annari spillingu sem almenningur er nánast vikulega minntur á. Það er hreinlega of langt mál að taka dæmi í þeim efnum,“ segir Ragnar Þór í færslu á Facebook. Að óbreyttu verður næst kosið til Alþingis árið 2021. Borin von að hægt sé að koma í veg fyrir spillingu „Ólíklegt er, miðað við samsetningu síðustu ríkisstjórna og þeirra sem hægt er að mynda miðað við síðustu kannanir, að takist að breyta fiskveiðistjórnunarkerfinu, slá raunverulega skjaldborg um heilbrigðiskerfið, afnema skerðingar, virða niðurstöðu þjóðaratkvæðagreiðslu um stjórnarkrána eða vinda ofan af frekari hugmyndum um einkavæðingu grunnstoða samfélagsins,“ segir Ragnar Þór. Hann segir allar líkur á því að kerfisbundið verði haldið áfram að grafa undan innviðum til að tryggja og hyggla þröngum sérhagsmunaöflum enn meiri auð og enn meiri völd. Sömu öfl og hafi tekið yfir íslenskt samfélag sem skuggar og fjárhagslegur bakhjarl húsbóndahollra stjórnmála. „En þar með er ekki sagt að allir þingmenn eða flokkar séu spilltir og svikulir. Síður en svo. Það er einfaldlega borin von að samsetning næstu ríkisstjórna verði með þeim hætti að koma megi í veg fyrir það sem að ofan er lýst.“ Ekki útþynntur verkefnalisti Hann hafi viðrað hugmyndina um verkalýsðhreyfingu með þverpólitískt framboð til Alþingis á dögunum og sú hugmynd vakið töluverða athygli. „Svo mikla að varðhundar núverandi kerfis reyndu að halda því fram að það stangaðist á við lög að hreyfingin hefði skoðanir á því eða vildi hafa bein áhrif á hvernig landinu okkar er stjórnað.“ Þó hafi hugmyndinst byggst eingöngu á því að hreyfingin bjóði fram með stuttan verkefnalista sem kjósendur gætu valið um. „Verkefnalista sem væri ekki útþynntur með bittlingum á háborði stjórnarráðsins heldur væri framboðið nauðvörn gegn þeirri stöðu sem uppi er í íslenskum stjórnmálum. Framboðið væri tilraun í eitt kjörtímabil. Sterk viðbrögð sérhagsmunaafla er mælikvarði á það hvort við erum á réttri leið eða ekki. Mín tilfinning var sú að með þessari hugmynd vorum við á hárréttri leið.“ Stórfréttir og áfellisdómur Stjórn VR hafi því látið gera viðhorfskönnun almennings á því hvort óstofnað stjórnmálaafl verkalýðshreyfingarinnar nyti brautargengis í næsti Alþingiskosningum. „Niðurstaðan var athyglisverð og ánægjuleg því 23% svarenda höfðu hug á að kjósa slíkan flokk verði hann stofnaður. Það þýðir að um væri að ræða stærsta stjórnmálaflokkinn miðað við síðustu kannanir og mögulega ráðandi afl eftir næstu kosningar.“ Þetta hljóti að vera stórfréttir en að sama skapi áfellisdómur yfir núverandi flokkakerfi því samkvæmt könnun MMR væri óstofnað framboð að taka fylgi af öllum flokkum. Ragnar vildi ekki afhenda fréttastofu eintak af könnuninni sem stjórn VR lét vinna. Hann vildi fyrst kynna niðurstöðurnar fyrir miðstjórn ASÍ.
Alþingi Kjaramál Skoðanakannanir Mest lesið „Ekki bara rekinn heldur á staðnum og fyrirvaralaust“ Innlent „Vona að þú sofir vel“ Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Í leyfi frá þingstörfum og flytur til New York Innlent Tifandi tímasprengjan sem grunuð er um frelsissviptingu Innlent Kári var harðákveðinn að hætta ekki sem forstjóri Innlent „Ég meina, hann er að missa fyrirtækið sitt“ Innlent Kári hættur hjá Íslenskri erfðagreiningu Innlent Buðu mótherjum Björgólfs fyrst þjónustu sína Innlent Lokunin óásættanleg og muni leiða til verðhækkana fyrir íbúa Innlent Fleiri fréttir Nýtt 44 herbergja hjúkrunarheimili byggt í Hveragerði „Þetta er vítahringur sem að endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Umtöluð frelsissvipting og stórslösuð sjónvarpsstjarna Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Sjá meira