Erlent

Óttast að fuglaflensusmit hafi breiðst út

Varnarsvæði var sett upp í kringum bóndabýlið þar sem fuglaflensan greindist á mánudaginn.
Varnarsvæði var sett upp í kringum bóndabýlið þar sem fuglaflensan greindist á mánudaginn. MYND/AFP

Óttast er að fuglaflensusmit sem greindist á bóndabýli í austurhluta Englands á mánudaginn hafi náð að breiðast út. Yfirvöld í Bretlandi rannsaka nú sýni frá kalkúnabúi í Suffolk en þar hafa fjölmargir fuglar drepist á undanförnum dögum.

Nú þegar hafa yfirvöld skipað fyrir að öllum fuglum á búinu skuli slátrað. Er það gert í samræmi við lög sem kveða á um slíkar aðgerðir ef grunsemdir eru uppi um mögulegt fuglaflensusmit. Margir starfsmanna kalkúnabúsins vinna einnig á bóndabænum þar sem fuglaflensusmitið greindist á mánudaginn. Staðfest hefur verið að fuglarnir þar hafi verið sýktir af H5N1 veirunni sem veldur fuglaflensu.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið