Fundi slitið hjá FFÍ og Icelandair án niðurstöðu

Sylvía Hall skrifar 10. maí 2020 15:15

Samninganefndir funduðu hjá ríkissáttasemjara í dag. Vísir/Egill

Engin niðurstaða náðist á fundi samninganefnda Icelandair og FFÍ sem lauk nú fyrir skömmu. Ríkissáttasemjari boðaði til fundar í deilunni og hófst fundurinn klukkan tvö í dag.

Samninganefnd Icelandair hafnaði viðtali við fréttastofu.

Erfiðlega hefur gengið að ná samningi milli deiluaðila og er mikil ólga sögð vera á meðal flugfreyja eftir að Bogi Nils Bogason, forstjóri Icelandair, sagði starfsfólkið vera helstu fyrirstöðu þess að Icelandair verði bjargað.

Icelandair hefur lagt áherslu á að samningar náist fyrir hluthafafund sem fram fer þann 22. maí.

Icelandair Kjaramál

Tengdar fréttir

FFÍ meðvitað um erfiða stöðu Icelandair en segir tillögurnar fela í sér of mikla skerðingu

Flugfreyjufélag Íslands segir þær tillögur sem Icelandair hefur sett á borðið færa flugfreyjur nær þeim kjörum sem þekkjast í vestrænum heimi.

10. maí 2020 13:34

Ríkissáttasemjari boðar Flugfreyjufélag Íslands og Icelandair á fund

Ríkissáttasemjari hefur boðað samninganefndir Flugfreyjufélags Íslands og Icelandair til fundar klukkan tvö í dag.

10. maí 2020 12:00

Segir starfsfólkið helstu fyrirstöðu þess að Icelandair verði bjargað

Starfsfólk Icelandair er helsta fyrirstaða þess að hægt sé að bjarga Icelandair frá falli, að sögn Boga Nils Bogasonar, forstjóra flugfélagsins, í bréfi til starfsmanna. Hann segir að ljúka verði langtímasamningum við flugstéttir félagsins fyrir föstudaginn 22. maí.

9. maí 2020 23:35