Hættur að drekka og deita

Leikarinn Liam Neeson prýðir forsíðu tímaritsins GQ. Nú eru fimm ár síðan eiginkona hans Natasha Richardson lést og hann segir hafa breytt ýmsu í einkalífi sínu eftir andlát hennar.

„Ég drakk of mikið. Það byrjaði þegar eiginkona mín dó. Pinot Noir-rauðvín: ég drakk það eingöngu. Mig langaði aldrei í sterkt vín. Og ég hætti í Guinness fyrir mörgum árum,“ segir Liam sem tók ákvörðun um að hætta að drekka í fyrra. 

„Það er æðislegt. Ég elska það.“

Hann segist líka ekki deita þessa dagana.

„Ég er ekki á veiðum,“ segir leikarinn sem einbeitir sér að uppeldi sona sinna sem eru sautján og átján ára.