Átta mánaða fangelsi fyrir tvær líkamsárásir

Hæstiréttur staðfesti í dag átta mánaða fangelsisdóm héraðsdóms yfir karlmanni vegna tveggja líkamsárása í og við hótel á Akranesi í fyrrasumar.

Þar skallaði hann mann í andlitið með þeim afleiðingum að hlaut hrufl og mar á enni eins og segir í dómi. Hann réðst jafnframt að öðrum manni, felldi hann í jörðina og sparkaði ítrekað í hann liggjandi.

Með árásunum rauf maðurinn skilyrði reynslulausnar sem hann hafði fengið af 5 mánaða eftirstöðvum refsingar samkvæmt eldri dómi. Árásarmaðurinn var jafnframt dæmdur til að greiða öðru fórnarlambi sínu miskabætur, útlagðan sjúkrakostnað og bætur vegna lögmannsaðstoðar, samtals rúmlega 250 þúsund krónur.