Íslandsbanki verði seldur fyrst

Bankasýsla ríkisins telur hyggilegt, að ráðist verði fyrst í sölu minnstu eignarhluta, sem stofnunin fer með, og síðar í sölu stærri eignarhluta, og þá jafnvel í nokkrum áföngum. Í þessu felst, að gera má ráð fyrir því, að fyrst verði lagt til að ráðist verði í sölu eignarhlutar í Íslandsbanka hf., en þó ekki fyrr en í fyrsta lagi á síðari hluta þessa árs.

Stofnunin gerir ekki ráð fyrir að leggja til, að sala eignarhluta í Arion banka hf. og í Landsbankanum hf. geti hafist fyrr en á næsta ári, og að sala í Landsbankanum hf. verði jafnvel framkvæmd í nokkrum áföngum.

Bankasýslan fer með eignarhluti ríkisins í fjármálafyrirtækjum í samræmi við eigendastefnu ríkisins hverju sinni. Í árslok 2010 námu fjárhagslegar kröfur ríkisins vegna eiginfjárframlaga til fjármálafyrirtækja um 200 milljörðum króna, sem samsvarar um fimmtungi af heildareignum þess.

Hægt er að lesa framtíðarstefnu Bankasýslunnar hér fyrir neðan.