Sportið í dag: Fanndís, Alfreð, Helgi Sig og UFC

Síðasti þáttur vikunnar af Sportinu í dag verður ekki af verri endanum. Venju samkvæmt hefst hann klukkan 15:00 á Stöð 2 Sport.

Fanndís Friðriksdóttir, leikmaður Íslandsmeistara Vals og íslenska landsliðsins, sest í stólinn hjá strákunum og fer yfir komandi knattspyrnusumar og meira til. 

Landsliðsmaðurinn Alfreð Finnbogason verður í viðtali frá Þýskalandi en hann fær að spila fótbolta á nýjan leik eftir viku. 

Einnig verður viðtal við Helga Sigurðsson, þjálfara karlaliðs ÍBV í fótbolta, og Pétur Marinó Jónsson segir frá fyrsta stóra íþróttaviðburðinum í Bandaríkjunum síðan kórónuveiran fór á fullt. 

Þá verða tveir nýir þættir sem byrja á Stöð 2 Sport nú um helgina skoðaðir.