Fótbolti

Dæmdur í sex vikna bann af enska sam­bandinu eftir að hafa fengið sér kókaín á djamminu

Anton Ingi Leifsson skrifar
Murphy fagnar marki í leik með Bolton.
Murphy fagnar marki í leik með Bolton. vísir/getty

Daryl Murphy, framherji Bolton og fyrrum framherji írska landsliðsins, hefur viðurkennt að hann hafi verið dæmdur í sex vikna bann af enska knattspyrnusambandinu á síðustu leiktíð.

Stefna enska knattspyrnusambandsins er sú að birta ekki nöfn þeirra sem eru dæmdir fyrir misnotkun lyfja en Murphy steig sjálfur fram og staðfesti að hann ætti í hlut.

Murphy, sem er nú á mála hjá Bolton, var á mála hjá Nottingham Forest þegar hann fékk sex vikna bann og spilaði ekki frá því í byrjun október til byrjun desember.

„Fyrst og fremst vil ég segja að taka eiturlyf er ekki eitthvað sem ég stunda,“ sagði Murphy í yfirlýsingu sinni til The Athletic.




„Ég fékk bann á síðustu leiktíð fyrir að taka slæma ákvörðun úti á lífinu. Þetta var bara þetta eina skipti þegar við vorum ekki að spila. Ég sé rosalega á eftir þessu.“

„Ég er ekki stoltur af því sem ég gerði en það er eitthvað sem ég hef sett á bakvið mig því ég vil halda áfram að einbeita mér að fótboltaferlinum,“ sagði Murphy.

Murphy spilaði 32 landsleiki fyrir Írland á árunum 2007 til 2017.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.