Staðfestir viðræður við Liverpool
Íþróttastjóri Red Bull Salzburg, Christoph Freund, hefur staðfest að félagið sé í viðræðum við Liverpool um sölu á miðjumanninum Takumi Minamino.
Vísir greindi frá því fyrr í dag að Liverpool hefði áhuga á að klófesta þennan 24 ára gamla sóknarsinnaða leikmann sem hefur leikið vel í Meistaradeildinni með Salzburg.
„Ég get staðfest að það standa yfir viðræður við Liverpool. Það er heiður fyrir okkur hvaða lið hafa áhuga á okkar leikmönnum,“ sagði íþróttastjórinn í dag.
Red Bull Salzburg's sporting director Christoph Freund on Takumi Minamino: "I can confirm that there are currently talks with Liverpool. It is an honour which clubs are interested in our players." pic.twitter.com/D5AaXlt9HH
— Squawka News (@SquawkaNews) December 12, 2019
Japanin er með klásúlu í samningi sínum að hann geti farið fyrir rúmlega sjö milljónir punda og nú bendir allt til þess að hann verði orðinn leikmaður Liverpool í janúar.
Mörg stærstu lið Evrópu hafa fylgst með leikmönnum RB Salzburg en liðið hefur leikið afar vel í Meistaradeildinni í vetur. Norski framherjinn Erling Braut Håland er enn þeirra.
Tengdar fréttir
Spilaði gegn Liverpool á þriðjudagskvöldið og nú vill Liverpool kaupa hann
Liverpool hefur áhuga á að klófesta vængmanninn Takumi Minamino í janúarglugganum en Minamino er á mála hjá Red Bull Salzburg í Austurríki.
