Tónlist

Kraumslistinn 2019 birtur

Hjalti Freyr Ragnarsson skrifar
Verðlaunahafar ársins 2018: Auður, Bagdad Brothers, Elli Grill, GDRN, Kælan Mikla og ROHT.
Verðlaunahafar ársins 2018: Auður, Bagdad Brothers, Elli Grill, GDRN, Kælan Mikla og ROHT.

Tilnefningar til Kraumsverðlaunanna 2019 voru tilkynntar nú í morgun. 25 íslenskar hljómplötur sem skarað hafa fram úr á árinu hvað varðar gæði, metnað og frumleika eru valdar úr rúmlega 350 plötum sem dómnefnd hefur farið yfir og hlustað á.

Sex plötur af listanum munu svo hljóta Kraumsverðlaunin sjálf sem afhent verða síðar í desember.

Mikillar fjölbreytni gætir á listanum í ár, en á honum má finna svartmálm, teknó, tilraunajazz, hipphopp og allt þar á milli.

Alls hafa 56 listamenn hlotið Kraumsverðlaunin frá því þau voru fyrst veitt árið 2008, og ríflega 200 hafa verið tilnefndir og þannig komist á Kraumslista.

Dómnefndina í ár skipa; Árni Matthíasson (formaður), Arnar Eggert Thoroddsen, Birna María Másdóttir, Helga Þórey Jónsdóttir, Óli Dóri, Tanya Lind, Trausti Júlíusson og Þorbjörg Roach Gunnarsdóttir.

Listann í heild sinni má sjá hér að neðan.

  • Andavald - Undir skyggðarhaldi 
  • Ásta Pjetursdóttir - Sykurbað
  • Berglind María Tómasdóttir - Herberging
  • Between Mountains - Between Mountains
  • Bjarki - Happy Earthday
  • Countess Malaise – Hystería
  • Felix Leifur – Brot 
  • Grísalappalísa – Týnda rásin
  • Gróa - Í glimmerheimi
  • Gugusar - Martröð
  • Hildur Guðnadóttir - Chernobyl
  • Hist og - Days of Tundra
  • Hlökk - Hulduhljóð
  • Hush - Pandemonial Winds
  • k.óla - Allt verður alltílæ
  • kef LAVÍK – Blautt heitt langt vont sumar
  • Korter í flog – Anna & Bernhard Blume (drepa alla fasista)
  • Kristín Anna - I Must Be the Devil
  • Milena Glowacka - Radiance
  • Myrra Rós - Thought Spun
  • sideproject - sandinista release party / ætla fara godmode
  • Skoffín - Skoffín bjargar heiminum
  • Stormy Daniels - Agi styrkur einbeiting harka úthald hafa gaman
  • Sunna Margrét - Art of History
  • Tumi Árnason / Magnús Trygvason Eliassen - Allt er ómælið

Í greininni má heyra hljóðdæmi eftir nokkra af listamönnunum sem tilnefndir eru. Þar á meðal er smáskífan Forever Love með fyrrum múm-meðlimnum Kristínu Önnu, sem kom út á plötunni I Must Be the Devil í ár. Platan er gefin út af Bel-Air Glamour Records, plötufyrirtæki í umsjá Ragnars Kjartanssonar og Ingibjargar Sigurjónsdóttur.

Þar að auki má heyra lag með tryllingsteknóverkefninu sideproject, sem ber titilinn Evil Madness, og hlýtur að vera eins konar óður til íslensku raftónlistarsveitarinnar sem innihélt m.a. Jóhann Jóhannsson og Stilluppsteypu-félaga.

Lagið Finna fyrir þér með K.óla kom út á plötunni Allt verður alltílæ í sumar, en það mátti einnig heyra í kvikmyndinni geysivinsælu Lof mér að falla. Útgáfurnar hjá k.óla og sideproject eru báðar á vegum listahópsins post-dreifingar, en alls eru fimm útgáfur á listanum tengdar hópnum. Plötur með Gróu, Korteri í flog og Skoffíni eru einnig á vegum post-dreifingar.

Hér að neðan má svo heyra eitt af Brotum Felix Leifs úr Brota-hrinu hans sem gefin er út af Lagaffe Tales.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.