Íslandsmeistararnir örugglega áfram í bikarnum

Anton Ingi Leifsson skrifar 20. nóvember 2019 22:06

Haukur og félagar eru komnir í átta liða úrslitin.

Selfoss er komið áfram í átta liða úrslit Coca-Cola bikarsins eftir 39-26 sigur á Grill 66-deildarliði Þórs en leikið var í íþróttahúsinu á Akureyri í kvöld.

Íslandsmeistararnir voru fljótir að taka forystuna og voru 10-6 yfir eftir stundarfjórðung. Þeir unnu svo síðustu fimmtán mínúturnar í fyrri hálfleik 10-3 og leiddu 20-9 í hálfleik.

Eftirleikurinn var svo ansi auðveldur fyrir gestina frá Selfossi sem unnu að lokum þrettán marka sigur, 39-26.

Brynjar Hólm Grétarsson gerði átta mörk fyrir Þórsara og Heimir Pálsson gerði sjö.

Hergeir Grímsson gerði tíu mörk fyrir Selfoss og Ísak Gústafsson sex en gestirnir hreyfðu vel við liðinu.

Þeir eru því komnir í pottinn ásamt úrvalsdeildarliðunum Fjölni, ÍBV og Aftureldingu en síðari fjórir leikirnir í 16-liða úrslitunum fara fram annað kvöld.

Liðin í átta liða úrslitunum:
Afturelding
Fjölnir
ÍBV
Selfoss
ÍR/Mílan
Stjarnan/HK
Haukar/Valur
Grótta/FH

Íslenski handboltinn

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.