Andstæðingar Ísraels á hálum ís Finnur Thorlacius Eiríksson skrifar 11. nóvember 2019 16:00 Undanfarnar tvær vikur hefur deilan á milli Ísraels og Palestínu enn og aftur ratað á milli tannanna á fólki. Fjöldahreyfing sem sinnir að jafnaði alþýðumálum innanlands hefur seilst inn á þetta svið, sem ætti annars að falla undir utanríkismál. Drífa Snædal, forseti ASÍ, notaði vefsíðu ASÍ sem persónulegt málgagn í vikunni til þess að vekja athygli á BDS-samtökunum, en þau samtök hvetja meðal annars til sniðgöngu gegn Ísraelsríki. Myndin sem hún dregur upp af samtökunum gefur til kynna að liðsmenn þeirra séu einhvers konar friðelskandi hippar, og reyndar er slíkt fólk að finna meðal fylgismanna samtakanna á Vesturlöndum, en þó ekki á meðal hátt settra meðlima samtakanna. En undir friðsamlegu yfirborðinu leynist hugmyndafræði sem er ekki til þess fallin að stuðla að friði. Viðtalið sjálft er rétt rúmar 13 mínútur að lengd að meðtöldum inngangi spyrils, en á þessum stutta tíma náði ótrúlegt magn af rangfærslum, dylgjum og einföldunum að skjóta upp kollinum.Ónákvæmni og rangfærslur Í kjölfar yfirlýsingar Drífu var henni boðið í þáttinn „Tuttuguogeinn“ á Hringbraut, undir stjórn Sigmundar Ernis Rúnarssonar, í dagskrárlið sem væri vel við hæfi að kalla Drottningarviðtal. Með í för slóst Sólveig Anna Jónsdóttir, formaður Eflingar, sem er aðildarfélag ASÍ. Það sem vakti athygli frá byrjun var að Sigmundur Ernir spyr iðulega spurninga af nánast hlægilegri ónákvæmni, til dæmis með því að minnast trekk í trekk á „yfirvöld í Tel Avív“ þegar spurning hans varðar ísraelska þingið, en ísraelska þingið er í vesturhluta Jerúsalem og hefur verið þar frá árinu 1949. Það er einnig áberandi í gegn um allt viðtalið að hvorki spyrillinn né gestirnir virðast gera sér grein fyrir því að Palestínumenn hafi haft sín eigin yfirvöld (Palestínsku heimastjórnina) síðan 1994 og að Palestínumenn á Vesturbakkanum séu þegnar þeirra með sín eigin palestínsku vegabréf. Í gegn um viðtalið er ísraelskum yfirvöldum reglulega kennt um vandamál sem eru ýmist á ábyrgð palestínsku heimastjórnarinnar (PA) eða samfélagsgerðar palestínsku sjálfstjórnarsvæðanna.Aldagamlar kreddur Sigmundur Ernir dregur aldrei í efa nokkuð af því sem dömurnar segja, né spyr hann nokkru sinni gagnrýnna spurninga, heldur þvert á móti blæs hann út það sem þær segja og spyr spurninga sem byggjast greinilega á hans eigin ranghugmyndum. Á einum tímapunkti tekur hann fram að hann ætli sér að forðast alhæfingar í viðtalinu og segir: „við erum ekki að tala um Gyðinga, við erum ekki að tala um Ísraelsmenn...“ en nokkrum mínútum síðar segir hann: „Af hverju komast þeir upp með þetta? Er það vegna þess að Bandaríkjamenn eru svona háðir fjármagni frá þessari þjóð?“ Í þessari leiðandi spurningu felst gróf alhæfing um Gyðinga/Ísraelsmenn sem ríka þjóð (þó hann hafi áður gefið til kynna að þau ætluðu ekki að alhæfa) sem hafa yfirvöld annara landa á valdi sínu. Þessi hugmynd byggist á aldagömlum kreddum um valdagræðgi Gyðinga og er ein af þeim átyllum sem hafa verið notaðar við ofsóknir gegn þeim og hafa valdið dauða milljóna þeirra í gegn um tíðina. Sólveig Anna tekur síðan undir þessi orð Sigmundar þegar hún segir: „Þeir sem að stýra flæði fjármunanna og svo framvegis, þeir á endanum náttúrulega fara með öll völdin,“ og er erfitt að lesa annað úr orðum hennar en að hún aðhyllist þessa sömu hugmynd.Viðtalinu svarað í smáatriðum Viðtalið fer um víðan völl, og í því eru reifuð mál eins og kynjajafnrétti, atvinnufrelsi og marxískar hugmyndir um átök milli auðvalds og vinnuafls. Í þessu öllu endurspeglast vanþekking þremenninganna á raunverulegu eðli BDS-samtakanna, friðarferlinu og stöðu Arabaheimsins. Það er gríðarlega alvarlegt að almennur miðill eins og Hringbraut haldi blygðunarlaust uppi slíkri orðræðu án nokkurs mótvægis frammi fyrir alþjóð. Sömuleiðis er í hæsta lagi óviðeigandi að fjöldahreyfing eins og ASÍ sé notuð til að miðla persónulegum pólitískum sjónarmiðum Drífu Snædal. En það er hinn mikli fjöldi rangfærslna og augljóst þekkingarleysið sem birtist í viðtalinu sem kom mest á óvart. Hér voru einungis tínd til örfá atriði og mörg þeirra án frekari útskýringa, en á síðu samtakanna MIFF á Íslandi (Með Ísrael fyrir friði) (www.miff.is) mun ritstjórnin fara yfir viðtalið í smáatriðum í tveimur væntanlegum greinum, því það er af nógu að taka. Fylgist endilega með! Viltu birta grein á Vísi? Sendu okkur póst. Senda grein Finnur Thorlacius Eiríksson Mest lesið Það vantar vanan og áreiðanlegan mann í verkið Haraldur Ólafsson Skoðun Er þetta í alvöru verðlaunaefni? Snorri Másson Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir Skoðun Himinhátt innanlandsflug Ingibjörg Isaksen Skoðun Er menning stórmál? Ingibjörg Ösp Stefánsdóttir Skoðun Nýtt örorkukerfi – verra þeirra réttlæti Marinó G. Njálsson Skoðun Æpandi vanþekking Hjálmar Jónsson Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun Norskur skammtímagróði Gunnlaugur Stefánsson Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun Skoðun Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Skoðun Mannréttindi sama hvað Arndís Anna Kristínardóttir Gunnarsdóttir skrifar Skoðun Helga Þórisdóttir og fjöregg íslenskrar þjóðar Páll Torfi Önundarson skrifar Skoðun Er þetta í alvöru verðlaunaefni? Snorri Másson skrifar Skoðun Ótímabundin ráðgjöf til ríkisstjórnar Snæbjörn Brynjarsson skrifar Skoðun Lykillinn að orkuskiptunum er úr áli Guðríður Eldey Arnardóttir skrifar Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar Skoðun „Vitum ekkert hvað við erum að gera“ Hjörtur J. Guðmundsson skrifar Skoðun Nýtt örorkukerfi – verra þeirra réttlæti Marinó G. Njálsson skrifar Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar Skoðun Þurfum við að koma Íslandi aftur á rétta braut? Diljá Mist Einarsdóttir skrifar Skoðun Þurfum við koma Íslandi aftur á rétta braut? Diljá Mist Einarsdóttir skrifar Skoðun Bergmál frá geymslustað líkamans Matthildur Björnsdóttir skrifar Skoðun Gummi Kalli Kristinn Sigurðsson skrifar Skoðun Það verður ekki bæði sleppt og haldið Melkorka Mjöll Kristinsdóttir skrifar Skoðun Katrín og Gunnar Sævar Þór Jónsson skrifar Skoðun Andleg heilsa unga fólksins og áhrif samfélagsmiðla Halla Tómasdóttir skrifar Skoðun Börnin okkar Sigurbjörg Jónsdóttir skrifar Skoðun Ferðaþjónusta til framtíðar Freyja Rut Emilsdóttir skrifar Skoðun Þegar enginn heldur utan um þig Steinunn Ólína Þorsteinsdóttir skrifar Skoðun Öryggi – Forvitni – Gleði Sigríður Hrund Pétursdóttir skrifar Skoðun Öryrkjar auglýsi eftir harðorðum mótmælum! Guðmunda G. Guðmundsdóttir skrifar Skoðun Farsælar forvarnir í þágu barna í Reykjavík Guðrún Halla Jónsdóttir,Óskar Dýrmundur Ólafsson skrifar Sjá meira
Undanfarnar tvær vikur hefur deilan á milli Ísraels og Palestínu enn og aftur ratað á milli tannanna á fólki. Fjöldahreyfing sem sinnir að jafnaði alþýðumálum innanlands hefur seilst inn á þetta svið, sem ætti annars að falla undir utanríkismál. Drífa Snædal, forseti ASÍ, notaði vefsíðu ASÍ sem persónulegt málgagn í vikunni til þess að vekja athygli á BDS-samtökunum, en þau samtök hvetja meðal annars til sniðgöngu gegn Ísraelsríki. Myndin sem hún dregur upp af samtökunum gefur til kynna að liðsmenn þeirra séu einhvers konar friðelskandi hippar, og reyndar er slíkt fólk að finna meðal fylgismanna samtakanna á Vesturlöndum, en þó ekki á meðal hátt settra meðlima samtakanna. En undir friðsamlegu yfirborðinu leynist hugmyndafræði sem er ekki til þess fallin að stuðla að friði. Viðtalið sjálft er rétt rúmar 13 mínútur að lengd að meðtöldum inngangi spyrils, en á þessum stutta tíma náði ótrúlegt magn af rangfærslum, dylgjum og einföldunum að skjóta upp kollinum.Ónákvæmni og rangfærslur Í kjölfar yfirlýsingar Drífu var henni boðið í þáttinn „Tuttuguogeinn“ á Hringbraut, undir stjórn Sigmundar Ernis Rúnarssonar, í dagskrárlið sem væri vel við hæfi að kalla Drottningarviðtal. Með í för slóst Sólveig Anna Jónsdóttir, formaður Eflingar, sem er aðildarfélag ASÍ. Það sem vakti athygli frá byrjun var að Sigmundur Ernir spyr iðulega spurninga af nánast hlægilegri ónákvæmni, til dæmis með því að minnast trekk í trekk á „yfirvöld í Tel Avív“ þegar spurning hans varðar ísraelska þingið, en ísraelska þingið er í vesturhluta Jerúsalem og hefur verið þar frá árinu 1949. Það er einnig áberandi í gegn um allt viðtalið að hvorki spyrillinn né gestirnir virðast gera sér grein fyrir því að Palestínumenn hafi haft sín eigin yfirvöld (Palestínsku heimastjórnina) síðan 1994 og að Palestínumenn á Vesturbakkanum séu þegnar þeirra með sín eigin palestínsku vegabréf. Í gegn um viðtalið er ísraelskum yfirvöldum reglulega kennt um vandamál sem eru ýmist á ábyrgð palestínsku heimastjórnarinnar (PA) eða samfélagsgerðar palestínsku sjálfstjórnarsvæðanna.Aldagamlar kreddur Sigmundur Ernir dregur aldrei í efa nokkuð af því sem dömurnar segja, né spyr hann nokkru sinni gagnrýnna spurninga, heldur þvert á móti blæs hann út það sem þær segja og spyr spurninga sem byggjast greinilega á hans eigin ranghugmyndum. Á einum tímapunkti tekur hann fram að hann ætli sér að forðast alhæfingar í viðtalinu og segir: „við erum ekki að tala um Gyðinga, við erum ekki að tala um Ísraelsmenn...“ en nokkrum mínútum síðar segir hann: „Af hverju komast þeir upp með þetta? Er það vegna þess að Bandaríkjamenn eru svona háðir fjármagni frá þessari þjóð?“ Í þessari leiðandi spurningu felst gróf alhæfing um Gyðinga/Ísraelsmenn sem ríka þjóð (þó hann hafi áður gefið til kynna að þau ætluðu ekki að alhæfa) sem hafa yfirvöld annara landa á valdi sínu. Þessi hugmynd byggist á aldagömlum kreddum um valdagræðgi Gyðinga og er ein af þeim átyllum sem hafa verið notaðar við ofsóknir gegn þeim og hafa valdið dauða milljóna þeirra í gegn um tíðina. Sólveig Anna tekur síðan undir þessi orð Sigmundar þegar hún segir: „Þeir sem að stýra flæði fjármunanna og svo framvegis, þeir á endanum náttúrulega fara með öll völdin,“ og er erfitt að lesa annað úr orðum hennar en að hún aðhyllist þessa sömu hugmynd.Viðtalinu svarað í smáatriðum Viðtalið fer um víðan völl, og í því eru reifuð mál eins og kynjajafnrétti, atvinnufrelsi og marxískar hugmyndir um átök milli auðvalds og vinnuafls. Í þessu öllu endurspeglast vanþekking þremenninganna á raunverulegu eðli BDS-samtakanna, friðarferlinu og stöðu Arabaheimsins. Það er gríðarlega alvarlegt að almennur miðill eins og Hringbraut haldi blygðunarlaust uppi slíkri orðræðu án nokkurs mótvægis frammi fyrir alþjóð. Sömuleiðis er í hæsta lagi óviðeigandi að fjöldahreyfing eins og ASÍ sé notuð til að miðla persónulegum pólitískum sjónarmiðum Drífu Snædal. En það er hinn mikli fjöldi rangfærslna og augljóst þekkingarleysið sem birtist í viðtalinu sem kom mest á óvart. Hér voru einungis tínd til örfá atriði og mörg þeirra án frekari útskýringa, en á síðu samtakanna MIFF á Íslandi (Með Ísrael fyrir friði) (www.miff.is) mun ritstjórnin fara yfir viðtalið í smáatriðum í tveimur væntanlegum greinum, því það er af nógu að taka. Fylgist endilega með!
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun
Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar
Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar
Skoðun Farsælar forvarnir í þágu barna í Reykjavík Guðrún Halla Jónsdóttir,Óskar Dýrmundur Ólafsson skrifar
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun