Enski boltinn

Cardiff sparkar Warnock

Anton Ingi Leifsson skrifar
Warnock í leiknum gegn Bristol um helgina.
Warnock í leiknum gegn Bristol um helgina. vísir/getty

Welska liðið Cardiff, sem leikur í ensku B-deildinni, hefur ákveðið að reka Neil Warnock, stjóra liðsins.

Hinn 70 Warnock var á sínu síðasta ári af samningi sínum hjá félaginu og hafði gefið það út að hann myndi ekki halda áfram með liðið eftir að samningi hans lýkur.

Nú hefur Cardiff hins vegar ákveðið að reka Warnock en hann var ráðinn til félagsins í október 2016 og stýrði liðinu í deild þeirra bestu á síðustu leiktíð.





Cardiff er í 14. sæti ensku B-deildarinnar eftir tap gegn Bristol City í grannaslag um helgina og er nú sjö stigum á eftir umspilssæti um laust sæti í ensku úrvalsdeildinni.

Aron Einar Gunnarsson, landsliðsfyrirliði, lék undir stjórn Warnock þangað til í sumar er hann yfirgaf félagið og fór til Katar þar sem hann leikur með Al Arabi.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.