Kvöldfréttir Stöðvar 2

Þorsteinn Már Baldvinsson forstjóri Samherja segist ekki útiloka að eitthvað hafi verið óæskilegt í starfsemi fyrirtækisins í Namibíu. Þorsteinn fundaði með starfsfólki fyrirtækisins á Akureyri í dag og ræddi við fréttamann okkar.

Ítarlegt viðtal við Þorstein verður í kvöldfréttum Stöðvar 2 klukkan hálf sjö.

Samherjamálið var í forgrunni í umræðum á Alþingi í dag. Þingmaður Pírata segir spillingu á Íslandi víðfeðma og vel skjalfesta. Forsætisráðherra segir margt hafa breyst  frá hruni og það verði ekki liðið að íslensk fyrirtæki brjóti lög og reglur hvorki innanlands né utan.

Við tökum einnig stöðuna á kjaraviðræðum blaðamanna og flóðum í Feneyju. Þetta og margt fleira á samtengdum rásum Bylgjunnar, Stöðvar 2 og vísis klukkan 18:30.