Nautin frá Chicago réðu ekkert við Giannis
Giannis Antetokounmpo skoraði 38 stig og tók 16 fráköst þegar Milwaukee Bucks vann Chicago Bulls, 124-115, í NBA-deildinni í nótt. Þetta var annar sigur Milwaukee í röð en liðið er í 3. sæti Austurdeildarinnar.
Eric Bledsoe skoraði 31 stig fyrir Milwaukee og gaf átta stoðsendingar. Nýliðinn Coby White var stigahæstur hjá Chicago með 26 stig.
@Giannis_An34 (38 PTS, 16 REB, 3 STL) and @EBled2 (31 PTS, 8 AST) power the @Bucks to victory pic.twitter.com/ZGHwSNbj9x
— NBA (@NBA) November 15, 2019
Fimm aðrir leikir fóru fram í NBA-deildinni í nótt.
Paul George lék sinn fyrsta leik fyrir Los Angeles Clippers þegar liðið tapaði fyrir New Orleans Pelicans, 132-127. George skoraði 33 stig og tók níu fráköst. Lou Williams skoraði 31 stig og gaf níu stoðsendingar. Kawhi Leonard var hvíldur hjá Clippers í nótt.
Jrue Holiday skoraði 36 stig fyrir New Orleans og Derrick Favors var með 20 stig og 20 fráköst.
@Jrue_Holiday11 pours in a season-high 36 PTS! #WontBowDown
36 PTS | 5 3PM | 7 AST pic.twitter.com/nBxbceScIl
— NBA (@NBA) November 15, 2019
Þreföld tvenna frá Luka Doncic dugði Dallas Mavericks ekki til gegn New York Knicks í Madison Square Garden. Lokatölur 106-103, Knicks í vil.
Doncic skoraði 33 stig, tók tíu fráköst og gaf ellefu stoðsendingar. Marcus Morris var stigahæstur í jöfnu liði Knicks með 20 stig. Hann skoraði sigurkörfuna þegar skammt var eftir af leiknum.
TRIPLE-DOUBLE FOR LUKA@luka7doncic posts 33 PTS, 10 REB and 11 AST for an NBA-leading 5th triple-double! #MFFL pic.twitter.com/prcUj8BWVP
— NBA (@NBA) November 15, 2019
Miami Heat hélt sigurgöngu sinni áfram þegar liðið lagði Cleveland Cavaliers að velli, 97-108.
Kevin Nunn skoraði 23 stig fyrir Miami sem er í 2. sæti Austurdeildarinnar.
FINAL SCORE THREAD
Kendrick Nunn drops 23 PTS as the @MiamiHEAT win in Cleveland! #HEATTwitter
Bam Adebayo: 16 PTS, 15 REB, 5 AST
Kevin Love: 21 PTS, 10 REB pic.twitter.com/ekwiBJm8Z2
— NBA (@NBA) November 15, 2019
Úrslitin í nótt:
Milwaukee 124-115 Chicago
New Orleans 132-127 LA Clippers
NY Knicks 106-103 Dallas
Cleveland 97-108 Miami
Phoenix 128-112 Atlanta
Denver 101-93 Brooklyn
the updated #NBA standings through Nov. 14! pic.twitter.com/pUdNJI0SVU
— NBA (@NBA) November 15, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
